2020-04-18 14:43:11, 1664 ნახვა
საზოგადოება
იერუსალიმში ცეცხლის გადმოსვლის ცერემონია მომლოცველების გარეშე ჩატარდება
კორონავირუსის გამო, მაცხოვრის საფლავის ტაძარში, წელს პირველად, მომლოცველები არ არიან, რის გამოც იერუსალიმის პატრიარქი სააღდგომო ლიტურგიას დახურულ ტაძარში აღავლენს.
ტაძარში 15-მდე სასულიერო პირი იქნება, რომლებიც პოლიციის ესკორტის თანხლებით წმინდა ცეცხლს ბენ-გურიონის აეროპორტში გადაიტანენ.
წმინდა ცეცხლს წააბრძანებენ საბერძნეთში, რუსეთში, უკრაინაში, სერბეთში, ბულგარეთში, საქართველოსა და რუმინეთში.
წმინდა ცეცხლის წასაღებად იერუსალიმში ჩასულ სხვადასხვა ქვეყნების წარმომადგენლებს კი თვითმფრინავების დატოვების უფლება არ ექნებათ და მათ ცეცხლს ადგილზე მიაწოდებენ.
ავტორი: ექსპრესნიუსი,
epn.ge (@expressnews.ge)
