„პრეკრიზისული ფაზა, მიუხედავად იმისა, რომ დადასტურებული შემთხვევები მატულობს, მსუბუქი სცენარით მიმდინარეობს“, - ამის შესახებ საპარლამენტო უმრავლესობის წარმომადგენელმა დიმიტრი ხუნდაძემ ტვ "პირველის" ეთერში განაცხადა.

მისი თქმით, არსებობს მძიმე სცენარები, რომლითაც არ მოგვიწევს წასვლა, მაგრამ ყოველი შემდგომი სცენარი გამომდინარეობს იქედან, თუ  როგორ გაივლი წინას.

დეპუტატის შეფასებით, საქართველომ  წინა ფაზა წარმატებით გაიარა. მისი თქმით, რეგულაციები იყო სწორად და დროულად შერჩეული.

„ჩვენ როგორც მოქალაქეები უნდა დავიცვათ, ასევე ეკონომიკაშიც არ უნდა მივიღოთ შეუქცევადი პროცესები, ამიტომ რეგულაცია უნდა იყოს სწორ დროს შერჩეული. რეგულაციების სიმკაცრე და ვადები დამოკიდებულია 2 საკითხზე:  ერთი- ეპიდვითარებაზე და მერე- საზოგადოების ქცევაზე. ეს ორი პირობა განსაზღვრავს, რეგულაცია გამკაცრდეს თუ არა, შეიცვალოს თუ არა. მთელი ქვეყნის მასშტაბით საგანგებო მდგომარეობა გამოცხადებულია, ლოკალურად ხდება დამატებითი რეგულაციების შემოღება და საკოორდინაციო საბჭოზე ყოველდღე   მიმდინარეობს ეპიდსიტუაციის შეფასება, რომელსაც ეპიდემიოლოგები აკეთებენ. ჩვენ მათ ვუსმენთ. ჩვენ ვნახეთ, რომ მათი მოსმენა  პანდემიასთან ბრძოლაში მომგებიანია. ამიტომ ვაგრძელებთ ამ კუთხით მათი რეკომენდაციებით სვლას. თუ  შესაბამისი უწყებები თავის საპასუხისმგებლო არეალში დაკვირვებით და პროფესიული კუთხით სიტუაციის შეფასებით  დააყენებენ საკითხს, რომ გამკაცრების საჭიროება არსებობს, ამის შესაბამისად მიიღება შესაბამისი გადაწყვეტილებაც. სწორედ ამიტომ საკოორდინაციო საბჭოს სხდომა შეფასებებით იწყება”, - განაცხადა დიმიტრი ხუნდაძემ.​

ავტორი: ექსპრესნიუსი,

სოციალური ქსელები

პოლონეთი და ბალტიისპირეთის ქვეყნები რუსეთის მიერ კაშხლების, გაზსადენებისა და ელექტროსადგურების საბოტაჟისთვის ემზადებიან

რუსეთის უზენაესმა სასამართლომ ოპოზიციური პარტია იაბლოკო დუმის არჩევნებიდან მოხსნა

ადვოკატმა უარი თქვა თელავის სასტუმროში მომხდარ ინციდენტში ბრალდებულის დაცვაზე

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.