პრემიერ-მინისტრი გიორგი გახარია აცხადებს, რომ ქვეყანაში კორონავირუსით გარდაცვალების პირველი ფაქტი ტრაგიკული შემთხვევაა და სახელმწიფო მკაცრ ნაბიჯებს მსგავსი შემთხვევების მინიმიზაციისთვის დგამს.

მისივე თქმით, ამ ბრძოლაში არ არსებობს კომპრომისი, რადგან საქმე ეხება ადამიანის სიცოცხლეს და თუ საჭირო იქნება, გამკაცრდება შემდგომი ღონისძიებები.

 „დღეის მდგომარეობით ჩვენ გვყავს 157 ინფიცირებული, 9 ახალი ინფიცირებული, ერთი აჭარაში და გვყავს სამწუხაროდ, 1 გარდაცვლილი. ეს გახლავთ ბოლნისის კლასტერიდან, მოხუცებული, 79 წლის ქალბატონი, თანმდევი ქრონიკული დაავადებებით, რომლის სიცოცხლის გადასარჩენადაც ჩვენმა ექიმებმა გააკეთეს ყველაფერი, მაგრამ სამწუხაროდ ეს არის ტრაგიკული შემთხვევა და სწორედ, მსგავსი შემთხვევების მინიმიზაციისთვის ვდგამთ ჩვენ მკაცრ ნაბიჯებს.

კიდევ მინდა აღვნიშნო, ამ შემთხვევამ ჩვენ უნდა დაგვანახოს და დაგვარწმუნოს, რომ ამ ბრძოლაში კომპრომისი არ არსებობს და სიმკაცრე ნაბიჯების, არ არის ვინმეს სურვილი, ეს არის ტრაგიკული აუცილებლობა, რომ თითოულმა ჩვენგანმა დაიცვას და ყველამ უნდა იცოდეს, რომ ჩვენ პირველ რიგში პასუხისმგებლები ვართ ჩვენი მშობლების, მოხუცების წინაშე და ფაქტი, რომელიც მოხდა არის უკიდურესად საგანგაშო და ეს არის ზარი, რომელიც თითოეულმა მოქალაქემ უნდა გაითვალისწინოს და ყველას უნდა ესმოდეს, რომ არანაირი კომპრომისი ადამიანის სიცოცხლეებთან დაკავშირებით არ იქნება და თუ იქნება შემდგომი ღონისძიებების გამკაცრება, გავამკაცრებთ“, - განაცხადა პრემიერმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს