„ჩვენ მოვახერხეთ ოკუპაციის შეჩერება და არა დეოკუპაცია“,-ამის შესახებ საქართველოს პარლამენტის თავმჯდომარემ დავით უსუფაშვილმა  „მოამბესთან’ საუბარში განაცხადა.

მისი თქმით, რომ არა საერთაშორისო საზოგადოების დროული დახმარება, შესაძლო იყო, მოვლენებს გაცილებით სერიოზული გართულებები ჰქონოდა.

 „დღევანდელი მდგომარეობით, შეგვიძლია ვთქვათ, რომ ჩვენ მოვახერხეთ ოკუპაციის შეჩერება და არა დეოკუპაცია. მოვლენებს შესაძლოა ჰქონოდა გაცილებით სერიოზული გართულებები, რომ არა საერთაშორისო საზოგადოების დროული დახმარება. მას შემდეგ საქართველოს აქვს წარმატება იმ თვალსაზრისით, რომ შეჩერებულია ოკუპაცია და არაღიარების პოლიტიკა იქცა მსოფლიოს პრაქტიკულად ყველა სახელმწიფოს მიერ იმ ურყევ პოზიციად, რომელიც არ შეიცვლება და მიტაცებული, ოკუპირებული ტერიტორიები არ ჩაითვლება არც რუსეთის საკუთრებად და არც დამოუკიდებელ სახელმწიფოებად", - განაცხადა უსუფაშვილმა.

ამასთან,  უსუფაშვილმა აღნიშნა, რომ დეოკუპაციის მიღწევას სჭირდება სერიოზული მუშაობა, უფრო ხელსაყრელი გეოპოლიტიკური გარემო და რუსეთის, როგორც აგრესორი ქვეყნის საერთაშორისო სამართლის წესრიგის სისტემაში შეყვანა, რაც მისი თქმით იოლი ამოცანა არ იქნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის