გარემოს დაცვის სამინისტროს ინფორმაციით, დვირის მიმდებარედ გაჩენილმა ხანძარმა 4-5 ჰა ფართობი მოიცვა

2015-07-31 14:09:32, 607 ნახვა

საზოგადოება

გარემოსა და ბუნებრივი რესურსების დაცვის სამინისტროს ინფორმაციით,

სამცხე-ჯავახეთის სატყეო სამსახურის, ბორჯომ-ბაკურიანის სატყეო უბანზე, სოფელ დვირის მიმდებარედ, გაჩენილმა ხანძარმა 4-5 ჰა ფართობი მოიცვა, რის შედეგადაც დაზიანდა ბუჩქნარი, მოზარდ-აღმონცენი და დაიწვა 1ჰა-მდე ნაძვნარი კორომი.

ადგილზე მობილიზებულია შესაბამისი ტექნიკა, შექმნილია საგანგებო შტაბი, რომელშიც შედის გარემოსა და ბუნებრივი რესურსების დაცვის სამინისტროს ეროვნული სატყეო სააგენტოს, შინაგან საქმეთა სამინისტროს საგანგებო სიტუაციების დეპარტამენტის, სამაშველო სამსახურისა და მუნიციპალიტეტის წარმომადგენლები. სალიკვიდაციო სამუშაოებში აქტიურადაა ჩართული ადგილობრივი მოსახლეობაც. ამ დროისათვის 2 ვეტმფრენის მეშვეობით, ხანძარი ლოკალიზებულია და მიმდინარეობს მისი ლიკვიდირება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან