სახელმწიფო ინსპექტორის სამსახურში, 15 წლის მოზარდის გარდაცვალების საქმეზე მიმდინარე გამოძიების ფარგლებში, „მწვანე სკოლის“ თანამშრომლების გამოკითხვა გრძელდება.

ამ დროისთვის გამოძიების კითხვებს ქართული ენისა და ლიტერატურის მასწავლებელი, დირექტორის მოადგილე ელისო ნიჟარაძე პასუხობს.

დღის განმავლობაში უწყებაში ასევე იმყოფებოდნენ სკოლის დაცვის თანამშრომელი უჩა მჭედლიშვილი და დირექტორის კიდევ ერთი მოადგილე მანანა ქაჯაია.

მჭედლიშვილი სწორედ იმ ღამეს მორიგეობდა, როდესაც სკოლის კედელზე წარწერა გაკეთდა. როგორც მან აღნიშნა, უცნობი პირი ტერიტორიაზე უკანა ღობიდან გადაძვრა, სადაც არც კამერები იყო და არც დაცვა. მანვე აღნიშნა, რომ პოლიციამ მოსწავლეები სკოლაშიც დაკითხა, თუმცა ფსიქოლოგიურ ზეწოლას ადგილი არ ჰქონია.

შეგახსენებთ, 10 დეკემბერს, მწვანე სკოლის კედელზე გაკეთებული წარწერის „ამ ცხოვრების დედაც“ გამო, სკოლის ადმინისტრაციამ პოლიცია გამოიძახა. სამართალდამცველებმა ვიდეო კამერების ჩანაწერებით იმ პირის იდენტიფიცირება ვერ მოახერხეს, რომელმაც წარწერა გააკეთა, ამიტომ არასრულწლოვნები განყოფილებაში დაიბარეს და გამოკითხეს. სწორედ ამ დროს გამომძიებლების მხრიდან ფსიქოლოგიური ძალადობა სახელდება 15 წლის მოზარდის, ლუკა სირაძის თვითმკვლელობის მთავარ მიზეზად. ასევე გავრცელდა ინფორმაცია, რომ გამოკითხვის შემდეგ თვითმკვლელობა კიდევ ერთმა მოსწავლემ, 15 წლის გოგონამ სცადა. სირაძის გარდაცვალების საქმესთან დაკავშირებით დიდუბე-ჩუღურეთის სამმართველოს პოლიციის პირველი განყოფილების გამომძიებელი მარიანა ჩოლოიანი დააკავეს. იგი ამ დროისთვის საავადმყოფოში იმყოფება.

ავტორი: ექსპრესნიუსი,

სოციალური ქსელები

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა

„თეგეტა მოტორსმა“ Bridgestone-ის საერთაშორისო ღონისძიებას უმასპინძლა, რომელზეც საბურავების ორი ახალი მოდელი წარადგინეს

"საქართველოს ბანკის" მობილბანკიდან უცხოურ ბანკში გადარიცხვების ფუნქციონალი სრულად განახლდა