მთელი სამართალდამცველები არიან მობილიზებული, მიმდინარეობს გამოძიება; მინდა დავარწმუნო ყველა, მაქსიმუმს გავაკეთებ იმისთვის, რომ ყველაფერი იყოს გარკვეული",-ამის შესახებ საქართველოს პრემიერ-მინისტრმა სამების ტაძრის ეზოში ჟურნალისტებთან საუბრისას განაცხადა.

შვეიცარიიდან საქართველოში დაბრუნებული ირაკლი ღარიბაშვილი, გუშინ აეროპორტიდან სამების საკათედრო ტაძარში მივიდა, სადაც იური ვაზაგაშვილის სამოქალაქო პანაშვიდს დაესწრო და გარდაცვლილის ოჯახის წევრებს მიუსამძიმრა.

მთავრობის მეთაური ვაზაგაშვილის სულის მოსახსენიებელ პანაშვიდსაც დაესწრო, რომელიც სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ გადაიხადა.

"მინდა, კიდევ ერთხელ აღვნიშნო, რომ ეს არის ტრაგედია ჩვენი ქვეყნის, თითოეული მოქალაქის. ბატონი იური იყო გამორჩეული, მებრძოლი, მართალი კაცი, რომელიც სიმართლისთვის იბრძოდა. მინდა, მთელი გულით მივუსამძიმრო კიდევ ერთხელ და ქედს ვიხრი მისი ოჯახის წინაშე. ეს მძიმე წუთებია ჩვენთვის და პირადად ჩემთვის. მე ძალიან კარგად და ახლოს ვიცნობდი ბატონ იურის", - განაცხადა პრემიერმა.

მისივე თქმით, მთავრობა ყველაფერს გააკეთებს იმისთვის, რომ იური ვაზაგაშვილის საქმესთან დაკავშირებით ყველაფერი იყოს გარკვეული. 

"დღეს მექნება შეხვედრები, მინდა შუალედური ანგარიში მოვისმინო გამოძიების მიმდინარეობის შესახებ,"-აღნიშნა ირაკლი ღარიბაშვილმა.
პრემიერ-მინისტრის განცხადებით, ზურა ვაზაგაშვილის მკვლელობის საქმე ძალიან მალე გაიხსნება, რადგან საქმის გამოძიება თითქმის ბოლომდეა მიყვანილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ორწლიანი პაუზის შემდეგ თელ-ავივში მასშტაბური გეი აღლუმი გაიმართა

ხოშტარია: ვმუშაობდი და გავაგრძელებ მუშაობას „მოღალატე რუსების“ წინააღმდეგ სანქციებზე

იოზვიაკი: ევროკავშირი საქართველოსთან პოლიტიკური დიალოგის განახლებას აზრს ვერ ხედავს

ევროკომისიის სპიკერი: ტექნიკური დონის შეხვედრა იყო, ხელისუფლებას ანგარიში წარედგინება