აჭარის მთავრობის თავმჯდომარემ თორნიკე რიჟვაძემ ესტონეთის რესპუბლიკის საგანგებო და სრულუფლებიან ელჩს საქართველოში კაი კაარელსონს და გაეროს ბავშვთა ფონდის (UNICEF-ის) წარმომადგენელს ღასან ხალილს უმასპინძლა.

თორნიკე რიჟვაძემ სტუმრებს მადლობა გადაუხადა ისეთ მნიშვნელოვან საკითხებში მხარდაჭერისთვის, როგორიც არის საგანმანათლებლო და ჯანდაცვის სისტემების გაუმჯობესება საქართველოსა და მათ შორის აჭარაშიც. შეხვედრაზე ისაუბრეს ასევე ორ ქვეყანას შორის არსებული თანამშრომლობის გაღრმავებასა და სამომავლო გეგმებზე. 

„მინდა ვისარგებლო შემთხვევით და მადლობა გადავუხადო UNICEF-ს და ესტონეთის საელჩოს იმ სამ წლიანი პროექტის განხორციელებისთვის, რაც გულისხმობს ქართველი ბავშვებისთვის ტექნიკურ მხარდაჭერას და ხარისხიან განათლებაზე ხელმისაწვდომობას. ასევე, მნიშვნელოვანია UNICEF-ის, როგორც ბავშვთა უფლებების და უთანასწორობის აღმოფხვრის სფეროში  მომუშავე ორგანიზაციის, ძალისხმევა და ჩართლობა ე.წ. „ოცნების ქალაქში" მცხოვრები ბავშვებისა და მოზარდების პირობების გაუმჯობესების საკითხებში" - აღნიშნა მთავრობის თავმჯდომარემ. 

UNICEF-ის წარმომადგენელმა ღასან ხალილმა აღნიშნა, რომ სამმხრივი თანამშრომლობის შედეგად, რაც გულისხმობს ესტონეთის ელჩის, იუნისეფ-ის და განათლებისა სამინისტროს ჩართულობას, ქართულ სკოლებში ინერგება ესტონური საგანმანათლებლო მოდელი, რომელიც ინტერაქტიული განათლების მიღებას უზრუნველყოფს.

„ძალიან ვაფასებთ აჭარის განათლების, კულტურისა და სპორტისა და ასევე ჯანმრთელობისა და სოციალური დაცვის მინისტრების ძალისხმევას ბავშვთა უფლებების დაცვის კუთხით აჭარაში. რამდენიმე თვის წინ ვეწვიეთ „ოცნების ქალაქს". ფსიქო-სოციალური დახმარება იქ მცხოვრებ ბავშვებისა და მოზარდებს გაეწიათ. ვაფასებთ აჭარის მთავრობის ძალისხმევას ყველაფერი გააკეთოს იქ მცხოვრები ბავშვების პირობების გაუმჯობესებისთვის" - აღნიშნა ღასან ხალილმა. 

შევხედრას ასევე ესწრებოდნენ აჭარის ჯანმრთელობისა და სოციალური დაცვის მინისტრი ზაალ მიქელაძე და აჭარის ფინანსთა მინისტრის მოადგილე თინა ზოიძე.

UNICEF-ის დელეგაცია  საქართველოში ესტონეთის საგანგებო და სრულუფლებიან ელჩთან ერთად გაეროს ბავშვის უფლებათა კონვენციის 30 წლისთავისადმი მიძღვნილ ღონისძიებებში მიიღებს მონაწილეობას.

(NS)

ავტორი: ექსპრესნიუსი,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა