2019-09-30 11:56:16, 1430 ნახვა
პოლიტიკა
ბოკერია სააკაშვილზე: მალე, ალბათ, ჩემი 9-წლიანი მმართველობის მსხვერპლად გამოაცხადებს თავს
"ევროპული საქართველოს" ერთ-ერთი ლიდერი გიგა ბოკერია საქართველოს ყოფილი პრეზიდენტის მიხეილ სააკაშვილის განცხადებას გამოეხმაურა, სადაც ის დეპუტატზე საუბრობს.
"მალე, ალბათ, ჩემი 9-წლიანი მმართველობის მსხვერპლად გამოაცხადებს თავს. ისე, ხუმრობის გარეშე, ნამდვილად ასეა. ვარდების რევოლუციის, როგორც დიდი მიღწევების, ისე მძიმე ჩავარდნების მემკვიდრე დღეს არის "ევროპული საქართველო", ჩვენი პოლიტიკური გუნდი და არა სააკაშვილის "ნაციონალური მოძრაობა", - აღნიშნა გიგა ბოკერიამ.
ცნობისთვის, მიხეილ სააკაშვილმა განაცხადა, რომ ბოკერიამ ყველაფერი გააკეთა, რომ დისტანცირება მომხდარიყო ტრადიციული, ქრისტიანული ფასეულობებისგან.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
