„ეს მოსკოვის მხრიდან საქართველოში ვითარების დასაძაბად გადადგმული მორიგი ნაბიჯია, ეს ჩვეულებრივი, კლასიკური, რუსული პროვოკაციაა“, - ამის შესახებ „საქართველოს რეფორმების ასოციაციის“ ხელმძღვანელმა სერგი კაპანაძემ „ექსპრესნიუსს“ ე.წ. სამხრეთ ოსეთის დელეგაციის ხელმძღვანელის ხოხ გაგლოითის განცხადებასთან დაკავშირებით განუცხადა, რომლის თანახმადაც  ე.წ. სამხრეთ ოსეთი BP-ის ბაქო-თბილისი-სუფსას ნავთობსადენის თაობაზე პირდაპირ მოლაპარაკებას სთავაზობს.
კაპანაძის შეფასებით,  ქართული მხარის მიერ რეაგირება თუ არ მოხდება, რუსული ძალები თავიანთ პოზიციებს კიდევ უფრო გაიძლიერებენ. 
„ძალიან ნათელია ყველაფერი. ეს არის მოსკოვის მხრიდან გადადგმული მორიგი ნაბიჯი, რომ საქართველოში ვითარება დაიძაბოს. ეს განცხადებაც სწორედ ამას მეტყველებს. განცხადება იმასთან დაკავშირებით, რომ BP ესაუბრება  სამხრეთ ოსეთს როგორც დამოუკიდებელ სახელმწიფოს, ეს არის კონკრეტულად პროვოკაციისკენ მიმართული ნაბიჯი, ასევე გასათავლისწინებელია, რომ ეს ხდება აბაშიძე-კარასინის შეხვედრის წინ. ამიტომ ეს არის ჩვეულებრივი კლასიკური, რუსული პროვოკაცია და თუ არ იქნება რეაგირება, შესაბამისად რუსული ძალები კიდევ უფრო გაიძლიერებენ თავიანთ პოზიციებს“,-განუცხადა „ექსპრესნიუსს“ სერგი კაპანაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა