კალაძე 20 ივნისის მოვლენებზე: შეიძლება რაღაც ერთეულ შემთხვევებში ძალის გადამეტება იყო, ამას გამოძიება დაადგენს

2019-09-20 13:48:27, 3249 ნახვა

კომენტარი

თბილისის მერი და "ქარტული ოცნების" გენერალური მდივანი კახა კალაძე მიიჩნევს, რომ 20 ივნისის მოვლენებზე ხელისუფლებამ პასუხისმგებლობა უკვე აიღო.

როგორც კალაძემ ჟურნალისტებს განუმარტა, პასუხისმგებლობის აღება პარლამენტის თავმჯდომარის თანამდებობიდან გადადგომაში გამოიხატა.

"20 ივნისის მოვლენებზე ხელისუფლებამ პასუხისმგებლობა უკვე აიღო. ეს გამოიხატა პარლამენტის თავმჯდომარის ირაკლი კობახიძის გადადგომაში. რაც შეეხება იმ ტრაგიკულ მოვლენებს, ეს პასუხისმგებლობა ეკისრება იმ უპასუხისმგებლო პოლიტიკურ ლიდერებს, ვინც მოუწოდებდა მოსახლეობას პარლამენტი შტურმით აეღოთ. ძალიან მძიმე იყო ეს ყველაფერი. შეიძლება რაღაც ერთეულ შემთხვევებში ძალის გადამეტება იყო, ამას გამოძიება დაადგენს. ყველა ადამიანი უნდა დაისაჯოს ვინც არის პასუხისმგებელი", - განაცხადა კახა კალაძემ.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან