ქობულეთის მუნიციპალიტეტის სოფელ წყავროკაში სკოლამდელი აღზრდის  ახალი დაწესებულება გაიხსნა. ამ დრომდე  პატარები სკოლის შენობაში განთავსებულ ბაღში დადიოდნენ. ადგილობრივებს საბავშვო ბაღის გახსნა აჭარის მთავრობის თავმჯდომარე  თორნიკე რიჟვაძემ მიულოცა.

«ყველაფერი უნდა გავაკეთოთ, რომ ყველგან, დაახლოებით ამ სტანდარტის დაწესებულება გვქონდეს. მნიშვნელოვანია, რომ ყველგან იყოს თანაბარი პირობები, რომ ჩვენი შვილები იზრდებოდნენ უსაფრთხო გარემოში. მიუხედავად იმისა, ეს იქნება სოფელი თუ ქალაქი, ყველგან ერთი სტანდარტი უნდა გვქონდეს.» - აღნიშნა რეგიონის პირველმა პირმა.

ამ ეტაპზე ბაღში 60 აღსაზრდელისთვის 3 ჯგუფი ფუნქციონირებს.  105 ბავშვზე გათვლილი  შენობა ადაპტირებულია შშმ პირებზე, უზრუნველყოფილია თანამედროვე სტანდარტის შესაბამისი ტექნიკითა და ინვენტარით.  მოწესრიგდა  ეზო, მოეწყო ატრაქციონები გასართობი მოედანი.

ახალი საბავშვო ბაღის მშენებლობისთვის, ინვენტარიზაციისა  და ეზოს მოწესრიგებისთვის  მუნიციპალიტეტის ბიუჯეტიდან 650 ათასი ლარი დაიხარჯა. დღეისთვის ქობულეთის მუნიციპალიტეტში 29 საბავშვო ბაღი ფუნქციონირებს. სკოლამდელი აღზრდის დაწესებულებებში 3 500 აღსაზრდელი ირიცხება, რომლებთანაც  580 თანამშრომელი მუშაობს.

(NS)

ავტორი: ექსპრესნიუსი,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე