ეკონომიკისა და მდგრადი განვითარების მინისტრობის კანდიდატმა ნათია თურნავამ პარლამენტში კომიტეტების გაერთიანებულ სხდომაზე გამოსვლისას, ყურადღება გაამახვილა ვირტუალური ზონების განვითარების კონცეფციაზე.

კერძოდ, მისი თქმით, ცვლილებები შევა საქართველოს კანონში „საინფორმაციო ტექნოლოგიური ზონების შესახებ", რომელიც წაახალისებს საინფორმაციო და ტექნოლოგიების სფეროში დასაქმებულ ადამიანებსა და კომპანიებს. მისი თქმით, ჩვენს ქვეყანას აქვს პერსპექტივა, რომ გახდეს რეგიონში ერთ-ერთი ლიდერი ინოვაციების და მაღალტექნოლოგიური სერვისების დარგში.

 „ტექნოლოგიებისა და ინოვაციების ხელშეწყობის მიმართულებით გაგრძელდება სახელმწიფოს მხარდაჭერა ახალგაზრდა, პერსპექტიული ინოვატორებისთვის. საერთაშორისო დონორებთან ერთად სახელმწიფო ახორციელებს გრანტებით სტარტაპების თანადაფინანსებას საერთაშორისო პოტენციალის მქონე ინოვაციური პროდუქტების და მომსახურების შემუშავება-ათვისების და კომერციალიზაციის გზით ინოვაციების და ინოვაციური საწარმოების წარმოქმნის სტიმულირებისთვის", - განაცხადა ნათია თურნავამ.

(NS)

ავტორი: ექსპრესნიუსი,

სოციალური ქსელები

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს

დონალდ ტრამპი ანკარაში ჩავიდა

პაპუაშვილი: ევროკავშირს აღარ აქვს ფუფუნება, საკუთარ თავს კვლავ ექსკლუზიურ კლუბად აღიქვამდეს

დეპარტამენტი: ავტობანის ლანჩხუთი-ლესას მონაკვეთი 9 ივლისამდე ჩაიკეტება