აშშ-ის სახელმწიფო დეპარტამენტი ჩორჩანასთან შექმნილ ვითარებაზე: მოვუწოდებთ ყველა მხარეს, თავიდან აიცილონ ესკალაცია

2019-08-31 10:53:00, 1929 ნახვა

პოლიტიკა

ამერიკის შეერთებული შტატების სახელმწიფო დეპარტამენტი სოფელ ჩორჩანასთან შექმნილ ვითარებასთან დაკავშირებით განცხადებას ავრცელებს.

როგორც განცხადებაშია აღნიშნული, ამერიკა ყველა მხარეს ესკალაციის თავიდან არიდებისკენ მოუწოდებს.

„ვაშინგტონი თვალყურს ადევნებს რუსეთის მიერ ოკუპირებულ საქართველოს რეგიონ სამხრეთ ოსეთის ადმინისტრაციულ სასაზღვრო ხაზთან სამხედრო გაძლიერებას. მოვუწოდებთ ყველა მხარეს, თავი შეიკავონ ესკალაციისგან და შექმნილი სიტუაციის მოსაგვარებლად იმუშაონ ევროკავშირის სადამკვირვებლო მისიის ცხელი ხაზისა და ჟენევის საერთაშორისო თანათავმჯდომარეების მეშვეობით. გარდა ამისა, მოვუწოდებთ რუსეთს, გამოიყენოს ყველა ხელმისაწვდომი არხი ადმინისტრაციული სასაზღვრო ხაზის გასწვრივ ვითარების ესკალაციის თავიდან ასაცილებლად“, - ნათქვამია განცხადებაში.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან