საქართველოს საგარეო საქმეთა მინისტრი, თამარ ბერუჩაშვილი „ხორვატიის ფორუმი 2015“- მონაწილეობს, რომელიც 9-11 ივლისს ხორავტიის ქალაქ დუბროვნიკში იმართება.

საგარეო უწყების ინფორმაციით, ყოველწლიური ფორუმი მაღალი დონის საერთაშორისო კონფერენციაა. ღონისძიებას სხვადასხვა ქვეყნის საგარეო საქმეთა მინისტრები და აღმასრულებელი თუ საკანონმდებლო ხელისუფლების წარმომადგენლები ესწრებიან.

ხორვატიის ფორუმი ქვეყნის პრეზიდენტმა კოლინდა გრაბარ კატაროვიჩიცმა გახსნა. ფორუმის მონაწილეებს სიტყვით მიმართა ნატოს გენერალურმა მდივანმა იენს სტოლტენბერგმა, ასევე ხორვატიის პრემიერ-მინისტრმა,  საგარეო საქმეთა მინისტრმა და ევროკომისიის ვიცე-პეზიდენტმა ენერგეტიკის საკითხებში მაროს სეფოვიჩმა.

ხორვატიის ფორუმი 2015-ის  მთავარი თემა გლობალური განვითარებისა და უსაფრთხოების საკითხები იყო.

კონფერენციის ფარგლებში საქართველოს საგარეო საქმეთა მინისტრი ორმხრივ შეხვედრებს მართავს. თამარ ბერუჩაშვილი შეხვდა ევროკომისიის ვიცე-პრეზიდენტს ენერგეტიკის საკითხებში მაროშ შეფჩოვიჩი. შეხვედრაზე საუბარი შეეხო საერთაშორისო ენერგეტიკულ პროექტებში საქართველოს მონაწილეობას, ხაზი გაესვა რეგიონის ენერგოუსაფრთხოების უზრუნველყოფისა და ენერგოწყაროების დივერსიფიკაციის პროცესში საქართველოს როლის მნიშვნელობას. 

კონფერენციის გახსნის დღეს საქართველოს საგარეო საქმეთა მინისტრი ასევე შეხვდა იაპონიის საგარეო საქმეთა მინისტრის მოადგილეს კენტარო სონოუარასს.

მიმდინარე წლის 10 ივლისს საქართველოს საგარეო საქმეთა მინისტრი ფორუმის მონაწილეებს სიტყვით მიმართავს და მონაწილეობას მიიღებს დისკუსიაში “საგარეო, უსაფრთხოებისა და განვითარების პოლიტიკა: ურთიერთკავშირი და ურთიერთდამოკიდებულება“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა