საქართველოს პრემიერ–მინისტრის ირაკლი ღარიბაშვილის შეფასებით, საქართველოს ეკონომიკის ძირითადი გამოწვევა უმუშევრობაა. 

როგორც მან, „ექსპოჯორჯიაში“  „აწარმოე საქართველოში“ 1 წლის მუშაობის შეჯამების დროს განაცხადა, მოქმედმა ხელისუფლებამ ადგილობრივი წარმოების განვითარების მიზნით, აგროკრედიტის პროგრამა დანერგა. 
პრემიერის ინფორმაციით, დღეის მდოგმარეობით, ამ პროგრამის ფარგლებში, 130–ზე მეტი საწარმოა დაფინანსებული, 600–ზე მეტი კი, გადაიარაებული. 
„ჯამში ჩვენ, ბოლო 2 წლის განმავლობაში სოფლის მეურნეობის სექტორში 900 მილიონი ლარის ინვესტიცია განვახორციელეთ. გარდა ამისა, ძალიან წარმატებით დავიწყეთ თანამშრომლობა საბანკო სექტორთან და ზოგადად ბიზნესთან.  გასულ წელს, როცა მეორე პროგრამა დავიწყეთ –  სამრეწველო დარგების განვითარება, ადგილობრივი მეწარმეობის განვითარება, ჩვენ შევიმუშავეთ პროგრამა, „აწარმოე საქართველოში“.  ეს არის გაგრძელება იმ ინიციატივის, რომელიც ბიძინა ივანიშვილმა  და ჩვენმა ახალმა მთავრობამ დაიწყო.   ჩვენი მიზანია ეტაპობრივად ჩავანაცვლოთ იპორტირებული საქონელი. მე საუბარი მქონდა  ჩვენი მეზობელი სახელმწიფოების არაერთ ლიდერთან, რომლებმაც წარმატებით განახორციელეს ადგილობრივი წარმოების ხელშეწყობა და განვითარების პროგრამები.  ეს უკვე მრავალი წელია დანერგეს და  წარმატებით მუშაობს. შედეგი სახეზე აქვთ. აქვთ ძლიერი სოფლის მეურნეობა, წარმოება. რაც მთავარია, ასეთი საწარმოების შექმნის დროს, იქმნება სამუშაო ადგილები და ჩვენი მოქალაქეები საქმდებიან“, – აღნიშნა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა