საქართველოს ექიმთა პოსტდიპლომური განათლების ასოციაციის ორგანიზებით, XVIII პოლიპროფილური სამედიცინო კონფერენცია:  „კლინიკური პრაქტიკის საერთაშორისო სტანდარტები“ ჩატარდა.

კონფერენცია აკრედიტებულია თსსუ-ს პროფესიული განვითარების საბჭოს მიერ და მასში მონაწილე ექიმებზე გაიცემა შესაბამისი სერტიფიკატი და კრედიტ-ქულები.

კონფერენციის მიზანია ქვეყანაში კლინიკური მედიცინის სხვადასხვა სპეციალობებსა და სუბსპეციალობებში საერთაშორისო სტანდარტებისა და გაიდლაინების დამკვიდრების ხელშეწყობა და სპეციალისტთა შორის პრაქტიკული გამოცდილების გაზიარება.

კონფერენციის თემატიკა მოიცავს დაავადებათა საერთაშორისო კლასიფიკატორებში (ICD10; ICPC2) შემავალ სიმპტომებს, სინდრომებს და ნოზოლოგიებს, ასევე, ლაბორატორიული მედიცინის, კლინიკური ფარმაკოლოგიისა და ფარმაციის იმ საკითხებს, რომლებიც აქტუალურია პრაქტიკული მედიცინისთვის.

კონფერენციის ფარგლებში აჭარის ავტნომიური რესპუბლიკის ჯანმრთელობისა და სოციალური დაცვის მინისტრმა, ზაალ მიქელაძემ, ენდოკრინოლოგს, დიაბეტოლოგს, მედიცინის აკადემიურ დოქტორს, პროფესორ - რამაზ ყურაშვილს აჭარის ავტონომიური რესპუბლიკის მოსახლეობის დაავადებათა მკურნალობისა და პრევენციის, ასევე სამედიცინო პერსონალის კვალიფიკაციის ამაღლების პროცესში შეტანილი წვლილისათვის სიგელი გადასცა.

(NS)

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს