საქართველოს მესამე პრეზიდენტის მიხეილ სააკაშვილის პარტია "ახალი ძალების მოძრაობა", რომელიც მან უკრაინაში დააფუძნა, საპარლამენტო არჩევნებში მონაწილეობას აპირებს, - ამის შესახებ პარტიის ერთ-ერთმა ლიდერმა და უკრაინის გენერალური პროკურორის ყოფილმა მოადგილემ დავით საყვარელიძემ "აპოსტროფთან" ინტერვიუში განაცხადა. 

როგორც საყვარელიძემ აღნიშნა, სააკაშვილის დაბრუნების შემდეგ პარტია შეუდგება ვადამდელი საპარლამენტო არჩევნებისთვის მზადებას. 

"ჩვენ არჩევნებში მონაწილეობის ლეგიტიმური უფლება გვაქვს. როგორც პარტია, წავალთ ამ არჩევნებზე და შევეცდებით დავიცვათ ის ფილოსოფია და პროექტები, რომლის განხორციელება გვინდა, როგორც პოლიტიკურ პარტიას. ჩვენი მომზრეები ჩვენგან ქმედით ნაბიჯებს ელიან", - განაცხადა საყვარელიძემ.

შეგახსენებთ, რომ უკრაინის ახალმა პრეზიდენტმა ვლადიმერ ზელენსკიმ მიხეილ სააკაშვილს უკრაინის მოქალაქეობა გუშინ დაუბრუნა. დღეს ოდესისი ყოფილი გუბერნატორი ვარშავაში ჩაფრინდა, სადაც მას, უკრაინის საელჩოში ახალი პირადობის მოწმობა გადასცეს. პოლიტიკოსი დრესვე კიევში გაემგზავრება. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს