2019-04-19 19:02:03, 1609 ნახვა
პოლიტიკა
პლენარულ სხდომაზე ზაზა პაპუაშვილმა გიგა ბოკერია უცენზურო სიტყვებით მიმართა
საპარლამენტო უმრავლესობის წევრმა, ზაზა პაპუაშვილმა „ევროპული საქართველოს“ წევრ, გიგა ბოკერიას პლენარულ სხდომაზე უცენზურო სიტყვებით მიმართა.
ზაზა პაპუაშვილის გაღიზიანება ბოკერიას იმ განცხადებამ გამოიწვია, რომლითაც მან სახალხო დამცველს, ნინო ლომჯარიას მიმართა: „მინდა გაგაფრთხილოთ ქალბატონო ნინო, რომ ახლა თქვენ იხილავთ ძალიან უცნაურ სპექტაკლს, როცა დაამთავრებთ გამოსვლას. უმრავლესობის ნაწილი დიდ მადლობას გადაგიხდით იმის გამო, რომ თქვენ კარგი კომენტარები გქონდათ, მეორე ნაწილი კი, დაგგმობთ ოპოზიციასთან თანამშრომლობისთვის და გკითხავთ სად იყავით, 2012 წლამდეო. მე კი ვიცი სადაც იყავით, მაგრამ ამ ხალხს ეშლება“.
პაპუაშვილმა გარდა უცენზურო სიტყვისა, ბოკერიას „ნაგავი“ უწოდა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
