ვენეციის კომისიაზე საბოლოოდ ჩამოაყალიბეთ პოზიცია? მტრული და სულელურია?! - ამ სიტყვებით „ევროპული საქართველოს“ წევრმა, გიგა ბოკერიამ საპარლამენტო უმრავლესობის წევრებს პარლამენტის პლენარულ სხდომაზე მიმართა.

როგორც დეპუტატმა განაცხადა, მმართველ გუნდს ვენეციის კომისიის, ეუთო-სა და არასამთავრობო ორგანიზაციების რეკომენდაციებთან დაკავშირებით სხვადასხვაგვარი რეაქციები ჰქონდა.

„საბოლოოდ ჩამოაყალიბეთ პოზიცია? იმიტომ რომ ძალიან დიდი ტრაექტორია გაიარა თქვენმა პოზიციამ ვენეციის კომისიის, ეუთოს და ზოგადად, გარე ექსპერტების რეკომენდაციებთან დაკავშირებით. თავიდან იყო პოზიცია, ბატონმა კობახიძემ ბრძანა, რომ კონსტიტუციას რაც არ ეწინააღმდეგება, ყველაფერს გავითვალისწინებთო. მერე, როცა დასკვნა მოვიდა, იყო პიარ მცდელობა - ბრწყინვალე დასკვნაა, ოპონენტებს ხმა ჩააგდებინა ვენეციის კომისიამო. მერე იყო გააზრება და უკვე წუხილი, რომ წინა ხელისუფლებამ, ოპოზიციამ და NGO-ებმა შეცდომაში შეიყვანეს ვენეციის კომისიაო. ერთ-ერთ შეხვედრაზე მაღალი თანამდებობის პირმა ისიც კი თქვა, ვენეციის კომისია ჯიბეში ჰყავდა ჩასმული წინა ხელისუფლებასო. ანუ გაბრაზდით. ახლა დალაგდით და იძახით, რომ ითვალისწინებთ ამ ყველაფერს. საბოლოოდ, იქნებ გვითხრათ, რა არის თქვენი დამოკიდებულება რეკომენდაციების მიმართ - ეს მტრული რეკომენდაციებია, სულელური, ანტიკონსტიტუციურს არ ითვალისწინებთ მხოლოდ თუ არა. და კერძოდ, რა არის ანტიკონსტიტუციური საკვალიფიკაციო გამოცდების გაუქმებაში, თუ ეს ტესტი გქონდათ“, - აღნიშნა გიგა ბოკერიამ. 

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ფიფა 2026 წლის მსოფლიო ჩემპიონატის ფინალის გადადებას ხანძრების გამო გამორიცხავს - Bloomberg

ზელენსკი სირსკის შემცვლელად მუშაობას განიხილავს - FT

უკრაინის გენერალურმა შტაბმა ნავთობის საცავის გარდა, ტანკერების და გემ „სვეტლიაკის“ დაბობვის შესახებ განაცხადა

ტაქსის ფასებით თურქეთი საქართველოს მეზობლებს შორის ლიდერობს, საქართველო კი მეორე ადგილზეა