აჭარაში არსებულ მუზეუმებში, განთავსებისა და კვების ობიექტებში, ასევე სხვა ტურისტულად აქტიურ ადგილებში  სპეციალური საინფორმაციო სტენდების განთავსება გრძელდება. აჭარის ტურიზმის დეპარტამენტის ტურისტული პროდუქტების განვითარების სააგენტო დამატებით 20 ტურისტულ ობიექტებში საინფორმაციო სტენდების დადგმას ზაფხულამდე გეგმავს.

სტენდები, რომლებზეც აჭარის რუკები, გზამკვლევები და მთიანი აჭარის ტურისტული მარშრუტები იქნება განთავსებული სტუმრებს რეგიონში მოგზაურობას გაუმარტივებს. ამ ეტაპზე საინფორმაციო-ტურისტული სტენდები აჭარაში არსებულ 60 ტურისტულ ობიექტშია განლაგებული, ზაფხულამდე კი მათ 20 ობიექტი დაემატება.

საინფორმაციო სტენდის მიღება უფასოა და პროექტში ჩართვა ნებისმიერ დაინტერესებულ ტურისტულ ობიექტს შეუძლია. მსურველები ტურისტული პროდუქტების განვითარების სააგენტოს უნდა დაუკავშირდნენ ნომერზე +995 422 29 44 22 / 577 90 90 93 ან მოთხოვნა გაგზავნონ მაილზე agency@gobatumi.com. სტენდებზე საინფორმაციო მასალის უფასოდ მიწოდებას და პერიოდულად მომარაგებას  ტურისტული პროდუქტების განვითარების სააგენტო უზრუნველყოფს.

„ჩვენ ეს პროექტი 2017 წელს დავიწყეთ და დღემდე აჭარაში არსებულ 60 ტურისტულ ობიექტში სტუმარს საშუალება აქვს რეგიონის შესახებ ძირითადი ინფორმაცია ობიექტშივე, ჩვენი საინფორმაციო მასალების დახმარებით მიიღოს. ეს ეხმარება მათ ადგილზევე გაეცნონ რეგიონის ტურისტულ პროდუქტებს და მარტივად დაგეგმონ აჭარაში მოგზაურობა, გართობა თუ უბრალოდ ქალაქში გასეირნება. ბუნებრივია,  დამატებითი ინფორმაციისთვის სტუმრებს შეუძლიათ საინფორმაციო-ტურისტულ ცენტრებს მიმართონ, სადაც ნებისმიერი სახის ინფორმაცია, რაც რეგიონში მოგზაურობას, ტურისტულ შესაძლებლობებსა და პროდუქტებს უკავშირდება რეგიონის სტუმრებისთვის მარტივად ხელმისაწვდომია,“ განაცხადა აჭარის ტურიზმის დეპარტამენტის ტურისტული პროდუქტების განვითარების სააგენტოს დირექტორმა თინათინ ზოიძემ.

(NS)

ავტორი: ,

სოციალური ქსელები

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია

სატვირთოს მძღოლი, რომელიც რკინის კონსტრუქციებში მოყვა, დაიღუპა