საპარლამენტო უმრავლესობის წევრის ლევან გოგიჩაიშვილის შეფასებით, პარტია „ქართული ოცნების“ პოლიტსაბჭოს მიერ გავრცელებული განცხადება, ყველანაირ ფასეულობებს აცდენილია.

როგორც გოგიჩაიშვილმა ჟურნალისტებს უმრავლესობის შეხვედრის დაწყებამდე განუცხადა, სხდომაზე ძალიან ბევრი საკითხი არის განსახილველი, მათ შორის პარლამენტის თავმჯდომარის ირაკლი კობახიძის განცხადებაც.

„განცხადება რომელიც გუშინ პოლიტსაბჭომ გაავრცელა არის აცდენა იმ ფასეულობებთან რა ფასეულობების გამოც ასი ათასობით ადამიანმა დაუჭირა მხარი “ქართულ ოცნებას“. უნდა გასცეს პასუხი რას ნიშნავს განცხადება „ადრე ცუდად იქცეოდნენ და ახლა კარგად იქცევიან“ და მოდი ამ ადამიანებს ჩავაბაროთ უვადოდ სასამართლო. ეს ძალიან მნიშვნელოვანი შეხვედრაა და ყველა საკითხზეა სასაუბრო. დაბნეულია ბევრი ადამიანი, რასთან გვაქვს საქმე რას ნიშნავს, რომ ადრე გვრიტიშვილი ცუდი იყო და ახლა კარგი გახდა. ანუ დავივიწყოთ რამდენი ადამიანი გააუბედურეს. ესე ყველაფერს ხაზი გადავუსვათ, რომ მურუსიძე გახდეს მოსამართლე?!“, - განაცხადა ლევან გოგიჩაიშვილმა.

ცნობისთვის, პოლიტიკური გაერთიანების „ქართული ოცნება - დემოკრატიული საქართველოს“ პოლიტსაბჭომ, გუშინ განცხადება გაავრცელა, რომელშიც სასამართლო სისტემის გაჯანსაღების კუთხით გატარებული რეფორმებისა და მიღწეული შედეგების შესახებ არის საუბარი. ამასთან, პოლიტსაბჭოს წევრები ყველა პოლიტიკურ ძალას და საზოგადოებრივ გაერთიანებას მოუწოდებს, არაჯანსაღ პოლიტიკურ დაპირისპირებაში არ ჩაერთონ.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს