„ჩვენ გინდა, რომ სასამართლოს მომავალი იყოს ბევრად უფრო კარგი და საზოგადოებისთვის მისაღები“, - ამის შესახებ საპარლამენტო უმრავლესობის წევრმა, ლევან გოგიჩაიშვილმა მმართველი გუნდის შეხვედროს დაწყებამდე ჟურნალისტებს განუცხადა.

მან 26 იანვარს ჩატარებულ მოსამართლეთა რიგგარეშე კონფერენციას სამარცხვინო უწოდა და აღნიშნა, რომ ეს ადამიანები ყოველთვის „უპრინციპო მსახურები“ იყვნენ.

„მას შემდეგ რაც ჩვენ შევიკრიბეთ და შევხვდით, ძალიან ბევრი რამ მოხდა. იყო მოსამართლეთა სამარცხვინო კონფერენცია, იყო სამარცხვინო ეთერები მოსამართლეების, რომელთაც კიდევ ერთხელ ანახეს, რამდენად შეუფერებელნი არიან ამ საქმისთვის, რადგან მათი აზროვნება, მათი ლოგიკა ზუსტად იგივეა, რასაც ჩვენ ვსაუბრობდით. ეს ადამიანები იყვნენ ყოველთვის მსახურები, მათ არ გააჩნდათ პრინციპები, ისინი ასრულებდნენ დავალებას. სასამართლო ამ ადამიანების ხელში არის რისკის მატარებელი. შესაბამისად, ჩვენ გვინდა, რომ სასამართლოს მომავალი იყოს ბევრად უფრო კარგი და საზოგადოებისთვის მისაღები, იმიტომ, რომ თითოეულ ადამიანს ჰქონდეს განცდა, რომ მისი უფლებები ოდესღაც იქნება დაცული, თუ ის ოდესმე აღმოჩნდება სასამართლოს წინაშე. ამიტომ დღევანდელი ეს მოცემულობა არის მძიმე სურათი. ჩვენ ვფიქრობთ, რომ სალაპარაკო ძალიან ბევრია, ჩვენ გვაქვს ჩვენი ვარიანტები, რა ვარიანტითაც უნდა მოხდეს ხელმძღვანელობა, ასევე ჩვენთვის მნიშვნელოვანი არის ის საკითხები, რომელიც არის დაკავშირებული იმ კადრებთან“, - აღნიშნა ლევან გოგიჩაიშვილმა.

ცნობისთვის, „ქართული ოცნების“ ცენტრალურ ოფისში მმართველი გუნდის შეხვედრა მიმდინარეობს. შეხვედრას პარტიის თავმჯდომარე, ბიძინა ივანიშვილი უძღვება.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს