ჭყონდიდის მიტროპოლიტის მეუფე პეტრე ცაავას განცხადებით, უკრაინის ეკლესიის ავტოკეფალიასთან დაკავშირებით სინოდის წევრებს შორის აზრთა სხვადასხვაობა არსებობს.

მეუფე პეტრეს თქმით, ეპისკოპოსები აღნიშნულ საკითხს სიფრთხილით მოეკიდნენ, თუმცა საბოლოო გადაწყვეტილებას თავს ვერ აარიდებენ. მეუფე პეტრემ უკრაინელ ხალხს ეკლესიის დამოუკიდებლობა მიულოცა.

"საეკლესიო სამართლის მიხედვით, როდესაც სახელმწიფო მოიპოვებს დამოუკიდებლობას, მას ასევე ეკუთვნის ეკლესიური დამოუკიდებლობა. უკრაინულმა ერმა ეს გზა განვლო და ეს ნამდვილად მისალოცია. მე პირადა ვიზიარებ ამ სიხარულს უკრაინული ერისა და მათი სახელმწიფოებრიობისა. ეს არის სიხარული, რომელიც ჰქონდა 100 წლის წინ ჩვენს წინაპრებს. ეს არის სიხარული, რომელიც უფალმა ქართველ ერს 1990 წელს მიანიჭა. მაშინ ტომოსი გადმოგვცა მსოფლიოს საპატრიარქომ და მივიღეთ ჩვენი ისტორიული ავტოკეფალია. უკრაინულმა ერმა მოიპოვა თავისუფლება და ვფიქრობ, რომ ღმერთი, რომელიც არის სიმართლე, არის მათ მხარეს და ღვთის ხელი ურევია ამ ამბავში. მიუხედავად იმისა, რომ სამწუხაროდ სინოდის ბოლო სხდომაზე ჩვენ ვერ მივიღეთ გადაწყვეტილება, ვინაიდან ტომოსი მაშინ ჯერ არ იყო მიღებული, სხვა ეკლესიის პოზიციაც ჯერ უცნობი იყო ჩვენთვის, ვისურვებდი, რომ მოხდეს სინოდის საგანგებო სხდომის მოწვევა, სადაც დავდგებით სიმართლის მხარეს და ვადიდოთ უფალი. კრიზისი გაარღმავა რუსეთის ეკლესიის მხრიდან არაადეკვატურმა, ომსა და სისხლზე საუბარმა. გააღრმავა ასევე იმან, რომ მათ არ აღმოაჩნდათ დიდსულოვნება, რათა თავად გადაედგათ ეს ნაბიჯი და თავის დროზე თვითონ ყოფილიყვნენ ინიციატორი უკრაინის ეკლესიისთვის ავტოკეფალიის მინიჭებისა. ამ კუთხით სინოდის წევრებს შორის არის აზრთასხვადასხვაობა, თუმცა ეს ჯანსაღი პროცესია. საკითხს სიფრთხილით მოვეკიდეთ, თუმცა საბოლოო გადაწყვეტილებას თავს ვერ ავარიდებთ", - განაცხადა მეუფე პეტრე ცაავამ TV პირველის ეთერში. 

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს