„სამწუხაროდ, დანაშაულები იზრდება და რიგ შემთხვევაში, შეიძლება ითქვას, რომ შემაშფოთებელიც არის“, - ასე მიმართა პარლამენტის თავდაცვისა და უსაფრთხოების კომიტეტის თავმჯდომარე ირაკლი სესიაშვილმა შს მინისტრ გიორგი გახარიას, რომელიც პარლამენტში დეპუტატების კითხვებს პასუხობს.

სესიაშვილი დაინტერესდა, რამდენად მოახდენს დანაშაულის პრევენციას სამინისტროში დაგეგმილი რეფორმები.

„ცხადია, ჩვენი ყველას საერთო სურვილი და მიზანია, რომ ქვეყანაში დანაშაული შემცირდეს, თუმცა რა სტატისტიკური მონაცემებიც ბოლო პერიოდში გვაქვს, სამწუხაროდ, დანაშაულები იზრდება და რიგ შემთხვევაში შეიძლება ითქვას, რომ შემაშფოთებელიც არის. ამიტომ ცხადია, ჩვენ უნდა ვიმუშაოთ არა მხოლოდ იმაზე, რომ პოლიციამ სწორად და ეფექტურად იმოქმედოს, არამედ ძალიან მნიშვნელოვანია პრევენციული ღონისძიებების გატარება. თქვენ ისაუბრეთ რეფორმებზე, რომლებიც უნდა განხორციელდეს და ახალი საპოლიციო ინსტიტუტები დაინერგოს. შეგიძლიათ თუ არა ანალიზზე დაფუძნებული ხედვა გაგვაცნოთ კონკრეტულ დანაშაულებთან მიმართებაში, როგორ მოხდება პრევენციის განხორციელება? მხოლოდ დანაშაულთან ბრძოლით ჩვენ დავრჩებით იმ სტატისტიკაში, სადაც ახლა ვართ. ეს სტატისტიკა ნამდვილად არ არის სახარბიელო, ეს სტატისტიკა იზრდება და საბოლოო ჯამში, სადაც დანაშაული გაიზრდება, იქ იქნება ნაკლები ინტერესი და სტაბილურობა, რაც თავისთავად ცხადია, ყველაფერზე მოახდენს ზემოქმედებას. ამიტომ მე მაინტერესებს რა შედეგებს ელოდებით იმ რეფორმების შედეგად, რომელიც დაგეგმილია“, - მიმართა ირაკლი სესიაშვილმა შს მინისტრს.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს