მიმდინარე წლის აგვისტო-ოქტომბრის პერიოდში აჭარის ავტონომიურ რესპუბლიკაში ხანძრის შედეგად დაზარალებული ოჯახების დასახმარებლად აჭარის მთავრობამ სარეზერვო ფონდიდან 50 000 ლარი გამოყო. აღნიშნულ პერიოდში ხანძრის შედეგად ქედის მუნიციპალიტეტში ორი, ხოლო ხულოს მუნიციპალიტეტში სამი ოჯახი დაზარალდა.  მათ შორისაა ხულოს მუნიციპალიტეტის ღორჯომის თემის სოფელ ჭახაურში მცხოვრები ოჯახი, სადაც ხანძარს ორი ადამიანის სიცოცხლე ემსხვერპლა.

ხანძრის შედეგად დაზარალებული ოჯახების დახმარების საკითხი აჭარის ავტონომიურ რესპუბლიკაში სტიქიური მოვლენების შედეგად მიყენებული ზარალის სალიკვიდაციო შერეული სამთავრობო კომისიის  სხდომაზე განიხილეს.

„სამწუხაროდ ხანძარმა ხუთივე ოჯახი უსახლკაროდ დატოვა. ჩვენ თითოეულ მათგანს დადგენილებით გათვალისწინებულ მაქსიმალურ თანხას - 10 000 ლარს გამოვუყოფთ. კომისიის რეკომენდაციით, ჯამში  50 000 ლარი გაიცემა. უნდა აღინიშნოს, რომ სოფელ ჭახაურში მცხოვრებ ოჯახს, სადაც ტრაგედია დატრიალდა, დახმარება ხულოს მუნიციპალიტეტის მერიამაც გაუწია“, - აღნიშნა შერეული სამთავრობო კომისიის თავმჯდომარემ, ზაალ მიქელაძემ.

ოჯახების დასახმარებლად აჭარის მთავრობის სარეზერვო ფონდიდან ჯამში 377042 ლარი გაიცა.

(NS)

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა