აჭარის მთავრობის თავმჯდომარე თორნიკე რიჟვაძემ არაბთა გაერთიანებული საემიროების საგანგებო და სრულუფლებიან ელჩთან, ისა ალბაშა ალნოაიმისთან გაცნობითი ხასიათის შეხვედრა გამართა. მთავრობის თავმჯდომარემ დიპლომატს ახალ პოზიციაზე დანიშვნა მიულოცა და წარმატებები უსურვა.

შეხვედრაზე საუბარი შეეხო ორ ქვეყანას შორის არსებული ურთიერთობების კიდევ უფრო განვითარებას ისეთ სფეროებში როგორიცაა ეკონომიკა, ვაჭრობა, სოფლის მეურნეობა, ინვესტიციები და ტურიზმი. აღინიშნა ტურიზმის სფეროში თანამშრომლობის კუთხით არსებული პოტენციალი და ხაზი გაესვა ბოლო პერიოდის განმავლობაში არაბთა გაერთიანებული საემიროებიდან საქართველოში ვიზიტორთა რიცხვის ზრდის დადებით დინამიკას.

აჭარის ტურიზმის და კურორტების დეპარტამენტი დუბაიში ყოველწლიურად წარმოადგენს ჩვენი რეგიონის პოტენციალს საერთაშორისო ტურისტულ გამოფენაზე, ასევე ეწევა სარეკლამო კამპანიას.

მხარეებმა ასევე განიხილეს პირდაპირი რეგულარული ავიაფრენების განხორციელების შესაძლებლობაც, რაც ხელს შეუწყობს როგორც ტურისტთა რიცხვის ზრდას, ისე ორმხრივი ბიზნეს კონტაქტების გააქტიურებას. აღსანიშნავია, რომ ტურისტულ სეზონზე ბათუმი-დუბაის მიმართულებით პირდაპირი ჩარტერული ფრენები ხორციელდებოდა.

ისა ალბაშა ალნოაიმი გაერთიანებული საემიროების პირველი რეზიდენტი ელჩია საქართველოში.

(NS)

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა