ამერიკის შეერთებულ შტატებში შუალედური არჩევნები ჩატარდა, - ამის შესახებ BBC იუწყება. 

მედია საშუალების ინფორმაციით, “დემოკრატიულმა პარტიამ” ამერიკის წარმომადგენელთა პალატაში უმრავლესობა მოიპოვა, რესპუბლიკელებმა კი, უმრავლესობა სენატში შეინარჩუნეს. 

მედიის ცნობით, "რესპუბლიკურმა პარტიამ" გამარჯვება ინდიანასა და ჩრდილოეთ დაკოტაში, აგრეთვე ტენესისა და ტეხასის შტატებში მოიპოვეს. აღნიშნული შტატების შედეგები ერთ-ერთი ყველაზე მნიშვნელოვანი იყო. 2016 წლის საპრეზიდენტო არჩევნებში ხსენებულ შტატებში რესპუბლიკელმა კანდიდატმა დონალდ ტრამპმა დამაჯერებელი გამარჯვება მოიპოვა. 

ცნობისთვის, ამჟამად აშშ-ის უმაღლესი საკანონმდებლო ორგანოს ორივე პალატას რესპუბლიკელები აკონტროლორებენ. იმისთვის, რომ დემოკრატიულმა პარტიამ ეს სურათი შეცვალოს, შუალედურ არჩევნებში 435-მანდატიან კონგრესში, სენატის 51 სავარძელი და წარმომადგენელთა პალატის 218 ადგილი უნდა მოიპოვოს.

არჩევნების შედეგებს თეთრი სახლის ლიდერი უკვე გამოეხმაურა. მან რესპუბლიკური პარტიის მიღწევები დადებითად შეაფასა.

"უდიდესი წარმატებაა. მადლობა ყველას", - დაწერა ტრამპმა Twitter-ის საკუთარ გვერდზე. 

ავტორი: ,

სოციალური ქსელები

საია-ში განმარტავენ, რას ეხება მზია ამაღლობელის საქმეზე სტრასბურგში წარდგენილი მე-4 სარჩელი

ყალბი რეკლამით მოქალაქეებს ბინების მშენებლობა-რემონტს სთავაზობდნენ, მიისაკუთრეს 242 000 ლარი

იუსტიციის მინისტრის მოადგილის პოსტიდან მერაბ ტურავა გაათავისუფლეს

სააფთიაქო ნარკომანიის საქმეზე ერთ-ერთი ბრალდებული ჯანდაცვის მინისტრის ყოფილი მოადგილეა