თურქეთი ამერიკელ მღვდელს ენდრიუ ბრანსონს გაათავისუფლებს, - ამის შესახებ CNBC რამდენიმე წყაროზე დაყრდნობით იუწყება.

მედია საშუალების ინფორმაციით, შეთანხმება ანკარასა და ვაშინგტონს შორის უკვე შედგა. სანაცვლოდ ამერიკა თურქეთის წინააღმდეგ დაწესებულ სანქციებს გააუქმებს.

მედიის ცნობით, ბრანსონს სავარაუდოდ, დღეს, მორიგი სასამართლო სხდომის შემდეგ გაათავისუფლებენ. ერთ-ერთი წყარო აცადებს, რომ ორმა ქვეყანამ შეთანმბას გასულ თვეში მიაღწიეს და მოლაპარაკებებს, სახელმწიფო მდივანი მაიკ პომპეო და პრეზიდენტის მრჩეველი ჯონ ბოლტონი აწარმოებდნენ.

აღსანიშნავია, რომ მანამდე ვაშინგტონმა ანკარას პასტორის გათავისუფლება რამდენჯერმე მოსთხოვა, რაზეც უარი მიიღო. 

შეგახსენებთ, პასტორი 2017 წელს იზმირში დააკავეს. მას ბრალად თურქეთში აკრძალულ „ქურთისტანის მუშათა პარტიასთან“ და ფეთჰულაჰ გიულენის ორგანიზაციასთან კავშირი ედება. ბრალის დამტკიცების შემთხვევაში, მას 35-წლიანი პატიმრობა ემუქრება. ბრანსონი, მეუღლესთან ერთად, თურქეთში, ქალაქ იზმირში, 23 წლის განმავლობაში ცხოვრობდა და ქრისტიანული ეკლესიის მოძღვარი იყო. 

ავტორი: ,

სოციალური ქსელები

ნატო უკრაინისთვის 70 მილიარდი ევროს ღირებულების იარაღის მიწოდებას გეგმავს

ევროკავშირმა რუსეთის წინააღმდეგ ეკონომიკური სანქციები 2027 წლის ივლისის ბოლომდე გაახანგრძლივა

ზელენსკიმ დაამტკიცა SBU-ს 40-დღიანი ოპერაცია, რათა რუსეთი ომის დასრულება აიძულოს

საიამ მზია ამაღლობელის პოლიტიკური ბრალდების საქმეზე სტრასბურგში მეოთხე საჩივარი წარადგინა