„არტარეა ფესტივალი“ საქართველოს რეგიონებში მოგზაურობას ასრულებს. 22 სექტემბერს თელავში, ნადიკვარის პარკში ფესტივალის დასკვნითი ღონისძიება - ექსპერიმენტული მუსიკისა და ფოლკის ინტერაქცია - პროექტი „სხვა კუთხით“ ჩატარდება.

„სხვა კუთხით“ კოლაბორაციული პროექტია, რომლის იდეა ტრადიციული მუსიკის ახალი შესაძლებლობების აღმოჩენაა. მთელი ზაფხულის განმავლობაში, 3 მუსიკოსი - ბენ უილერი, Tete Noise და ვაჟა მარი კახეთის ორ ფოლკლორულ ანსამბლთან - „პანკისთან“ და „თელავთან“ ერთად ამ პროექტის შექმნაზე მუშაობდა. 

ღონისძიებაზე ხალხური სიმღერები სპეციალური თანმიმდევრობით შესრულდება, თითოეული სიმღერის შემდეგ კი ტრადიციული მუსიკის ელემენტებით გაჯერებული ექსპერიმენტული კომპოზიციები გაჟღერდება. ერთი და იმავე კომპოზიციას, ერთ სცენაზე ყველა მუსიკოსი სხვადასხვა ინტერპრეტაციით წარმოადგენს. პროექტის მიზანია ხაზი გაესვას ტრადიციის მნიშვნელობას, მის დაცვასა და ახალ შემოქმედებით პოტენციალს.

 „არტარეა ფესტივალმა“ სტარტი 23 ივნისს რუსთავში აიღო და 6 რეგიონში 6 სხვადასხვა ღონისძიებას მოიცავს. ფესტივალის კონცეფცია განსხვავებული ელემენტების ერთიანობის იდეას ეფუძნება, ასევე ტრადიციული ხელოვნების  თანამედროვე, ექსპერიმენტული მუსიკით გადააზრებას, რაც რეგიონში მცხოვრებ მოსახლეობასა და ტურისტებს შესაძლებლობას მისცემს შეეხონ ძველ და ახალ ქართულ ხელოვნებას.

ღონისძიებაზე დასწრება თავისუფალია.

ფესტივალის მხარდამჭერია თიბისი.

პროექტი ხორციელდება Check in Georgia-ს ფარგლებში.

(R)

ავტორი: ,

სოციალური ქსელები

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია