„იური ვაზაგაშვილის სიკვდილი ყველა ჩვენგანისათვის თავზარდამცემია“, - ამის შესახებ საქართველოს პრემიერ-მინისტრის ირაკლი ღარიბაშვილის განცხადებაშია აღნიშნული.

ღარიბაშვილმა პროკურატურას მოუწოდა, სასწრაფოდ გამოიძიოს იური ვაზაგაშვილის საქმე და ზურაბ ვაზაგაშვილის მკვლელობის საქმე უმოკლეს ვადებში დაასრულოს.

„შოკირებული ვარ მომხდარით. იური ვაზაგაშვილის სიკვდილი ყველა ჩვენგანისათვის თავზარდამცემია. მინდა გულწრფელად მივუსამძიმრო ვაზაგაშვილების ოჯახს. ამ ოჯახში კიდევ ერთხელ დატრიალდა წარმოუდგენელი ტრაგედია. გამოძიება დაიწყო სს კოდექსის 109-ე მუხლით, რაც გულისხმობს განზრახ მკვლელობას დამამძიმებელ გარემოებებში. მოვითხოვ მთავარი პროკურატურისგან სასწრაფოდ გამოიძიოს იური ვაზაგაშვილის საქმე და უმოკლეს ვადებში დაასრულოს ზურა ვაზაგაშვილის მკვლელობის საქმე. ჩვენ ყველაფერს გავაკეთებთ იმისათვის, რომ ყველა დამნაშავე დაისაჯოს კანონის მთელი სიმკაცრით“, -ნათქვამია პრემიერ-მინისტრის განცხადებაში.

ცნობისთვის, იური ვაზაგაშვილი რამდენიმე საათის წინ, შვილის,  ზურაბ ვაზაგაშვილის,  საფლავზე, არსებული ინფორმაციით,  აფეთქდა. ის ადგილზე გარდაიცვალა. მომხდართან დაკავშირებით საქმე განზრახ მკვლელობის მუხლითაა აღძრული. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია