თბილისის მერია ქეთევან წამებულის გამზირზე დაგეგმილ მშენებლობასთან დაკავშირებით გავრცელებულ ინფორმაციას ეხმაურება, რომლის თანახმად, სასტუმროს მშენებლობა გამზირზე არსებულ სკვერში იგეგმება, სადაც ფარნავაზ მეფის ძეგლი დგას.

დედაქალაქის მერიაში აცხადებენ, რომ მიწის ნაკვეთი, სადაც სასტუმრო აშენდება, მიმდებარედ არსებული სკვერის ტერიტორიას არ წარმოადგენს. მერიაში აღნიშნავენ, რომ აღნიშნულ ტერიტორიაზე სასტუმროს მშენებლობა დაშვებულია.

„ქეთევან დედოფლის გამზირი N29-ის მდებარე ტერიტორია კერძო საკუთრებაა. ტერიტორია გასხვისებულია თბილისის მერიის მიერ 2010 წელს. აღნიშნულ ტერიტორიაზე დაშვებულია სასტუმროს მშენებლობა (სარეკრეაციო ზონა 2 (რზ2). მერიის აქრიტექტურის სამსახურში ამ ეტაპზე შემოსული განაცხადის საფუძველზე შეთანხმებულია მხოლოდ პროექტი, ნებართვა გაცემული არ არის. პროექტის შეთანხმება მოხდა 2015 წლის 22 მაისს. აღნიშნული მიწის ნაკვეთი არ წარმოადგენს მიმდებარედ არსებული სკვერის ტერიტორიას. შესაბამისად, გავრცელებული ინფორმაცია, რომ სკვერში იგეგმება სასტუმროს მშენებლობა არ შეესაბამება სიმართლეს“, - ნათქვამია თბილისის მერიის განცხადებაში.

შეგახსენებთ, თბილისის საკრებულოს დამოუკიდებელი დეპუტატის, ალეკო ელისაშვილის ინფორმაციით, ქეთევან წამებულის გამზირზე, სკვერში, სადაც ფარნავაზ მეფის ძეგლი დგას, 6-სართულიანი სასტუმრო უნდა აშენდეს.

მერიის არქიტექტურის სამსახურის ვებ-გვერდზე გამოქვეყნებული ინფორმაციის თანახმად, პროექტი III კლასის შენობის, სასტუმროს აშენებას ითვალისწინებს. მისი განაშენიანების ფართობი 574 კვ.მ. იქნება. დამკვეთი კი ნიკოლოზ ოკლეია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება