შინაგან საქმეთა მინისტრის მოადგილე ნათია მეზვრიშვილმა - კრიმინალური პოლიციის რეფორმის ფარგლებში არასამთავრობო ორგანიზაციებთან შეხვედრა გამართა.

შსს-ს ინფორმაციით, შეხვედრას ადამიანის უფლებათა სწავლებისა და მონიტორინგის ცენტრის, ახალგაზრდა იურისტთა ასოციაციის, საქართველოს დემოკრატიული ინიციატივისა და ადამიანის უფლებების ცენტრის ხელმძღვანელები ესწრებოდნენ.

შეხვედრის ფარგლებში მინისტრის მოადგილემ არასამთავრობო სექტორის წარმომადგენლებს საგამოძიებო რეფორმის კონცეფცია გააცნო და მათი რეკომენდაციები მოისმინა. დისკუსია გაიმართა ასევე ე.წ. წინასაგამოძიებო საქმის წარმოების პრობლემატიკაზე და მისი მოგვარების გზებზე.

კრიმინალური პოლიციის მიმდინარე რეფორმა საგამოძიებო და ოპერატიული ფუნქციების გამიჯვნას, გამოძიების პროცესში გამომძიებლისა და პროკურორის კომპეტენციების მკაფიო განსაზღვრას, საგამოძიებო კომპონენტის გაძლიერებას, გამოძიების ხარისხის ამაღლებას და პოლიციაში მიღების წესის დახვეწას გულისხმობს.

რეფორმასთან დაკავშირებით შინაგან საქმეთა სამინისტროს ხედვა და უკვე გადადგმული ნაბიჯები ფართო საზოგადოებისთვის შემოდგომაზე გახდება ცნობილი.

(NS)

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს