2015-06-03 11:08:05, 554 ნახვა
საზოგადოება
აჭარის დასაქმების სააგენტომ პროფესიული გადამზადების პროგრამის ფარგლებში სწავლება დაიწყო
აჭარის ა.რ. დასაქმების სააგენტომ პროფესიული გადამზადების მიზნობრივი პროგრამის ფარგლებში სწავლება დაიწყო.
სწავლას ქობულეთის საზოგადოებრივი კოლეჯი ,,ახალი ტალღა’’ ახორციელებს.
ბენეფიციარები სამთვიანი სასწავლო პროგრამით შემდეგ სპეციალობებში გადამზადდებიან: მზარეული, კონდიტერი, სარესტორნო საქმისმწარმოებელი, სასტუმრო საქმისმწარმოებელი, შემდუღებელი, ამწის ოპერატორი და მძიმე ტექნიკის ოპერატორი.
სწავლის განმავლობაში მაღალმთიანი აჭარის მაცხოვრებლები სასწავლებლის საერთო საცხოვრებლით ისარგებლებენ, ხოლო, ბათუმში და ხელვაჩაურში მცხოვრები პროგრამის მოსარგებლე ბენეფიციარებისათვის ტრანსპორტი იქნება უზრუნველყოფილი.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
