2015-06-03 09:23:36, 429 ნახვა
საზოგადოება
ხევსურეთში შექმნილ ვითარებასთან დაკავშირებით, გარემოს დაცვის სამინისტრო განცხადებას ავრცელებს
ხევსურეთში შექმნილ ვითარებასთან დაკავშირებით, გარემოსა და ბუნებრივ რესურსების დაცვის სამინისტრო განცხადებას ავრცელებს.
„პირიქითა ხევსურეთში, შატილის თემის სოფელ ხონისჭალაში, მდინარე ანზაკის ხეობაში ადგილი ჰქონდა მეწყრული პროცესების გააქტიურებას. არსებული ინფორმაციით, 1 ადამიანი არის დაკარგული. ამ ეტაპზე შეუძლებელი ხდება ადგილზე გეოლოგების ჯგუფის გამგზავრება. გარემოსა და ბუნებრივი რესურსების დაცვის სამინისტრო, შინაგან საქმეთა სამინისტროსთან ერთად, კლიმატური პირობების გაუმჯობესებისთანავე გაემგზავრება შატილში. ქართველი და ჩეხი გეოლოგების მიერ მოხდება ადგილზე სიტუაციის შეფასება, რისკების განსაზღვრა და შესაბამისი რეკომენდაციების გაცემა გადაუდებელი ღონისძიებების გასატარებლად“, - ნათქვამია გარემოს დაცვის სამინისტროს განცხადებაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
