„ჩვენ საკმარისი მხარდაჭერა გვაქვს როგორც უმაღლეს საბჭოში, ასევე მოსახლეობაში“, – ამის შესახებ აჭარის მთავრობის თავმჯდომარეობის კანდიდატმა, თორნიკე რიჟვაძემ ჟურნალისტებს განუცხადა.

რიჟვაძე დარწმუნებულია, რომ უმაღლეს საბჭოში მთავრობის ახალ შემადგენლობას  ნდობას გამოუცხადებენ.

„ჩვენ საკმარისი მხარდაჭერა გვაქვს როგორც უმაღლეს საბჭოში, ასევე მოსახლეობაში. იმედი მაქვს, ჩემს მიერ წარმოდგენილი მთავრობის შემადგენლობა და სამთავრობო ხედვები მიიღებს სრულ მხარდაჭერას.  რაც შეეხება დღევანდელ დღეს, იქნება აქტიური განხილვები და საშუალება გვექნება, კიდევ ერთხელ წარმოვადგინოთ ჩვენი ინიციატივები“, – განაცხადა თორნიკე რიჟვაძემ.

შეგახსენებთ, რომ აჭარის მთავრობის თავმჯდომარეობის კანდიდატად საქართველოს პრეზიდენტმა გიორგი მარგველაშვილმა თორნიკე რიჟვაძე წარადგინა. ახალ თავმჯდომარესა და მინისტრთა კაბინეტს დღეს დაამტკიცებენ. რიჟვაძეს მხარს არ უჭერს ოპოზიცია, თუმცა მთავრობის დასამტკიცებლად 11 ხმაა საჭირო, მმართველი გუნდი კი, უმაღლეს საბჭოში 14 მანდატს ფლობს.

ავტორი: ,

სოციალური ქსელები

ადმინისტრაცია ადასტურებს, რომ მიხეილ ყაველაშვილი ირანში აიათოლა ალი ხამენეის დაკრძალვის ცერემონიალს დაესწრება

გახარიას პარტიამ პარლამენტში ჩხუბზე გამოძიების მოთხოვნით პროკურატურას მიმართა

„თეგეტამ“ საგზაო-სამშენებლო სექტორის წარმომადგენლებს ბიზნესის მხარდაჭერის კონცეფცია გააცნო

დიდი ბრიტანეთი თავდაცვის ბიუჯეტს დამატებით 15 მილიარდი გირვანქით ზრდის