თბილისის საქალაქო სასამართლოს სასადილოში მომხდარ ინციდენტთან დაკავშირებით, „სამართალდამცველთა რეფორმირების ცენტრის“ დამფუძნებელს, ზვიად კუპრავას დღეს ბრალს ოფიციალურად წაუყენებენ.

ინფორმაციას თავად კუპრავა ავრცელებს.

ის ბრალს აბსურდულს უწოდებს და მომხდარის პოლიტიკურ მიზეზებზე საუბრობს.

„მე ავღმოჩნდი მსოფლიოში ერთადერთი პირი, რომელმაც ამ უსამართლო ქართულ სასამრთლოს მივაყენე შეურაცხყოფა.  ამიტომაც ხვალ 12 საათზე დამიბრეს ტელევიზიის გვერდით, ვაკე-საბურთალოს პოლიციის სამმართველოში, საქალაქო სასამართლოში მომხდარ ფაქტთან დაკავშირებით, ბრალის წასაყენებლად.. როგორც ჩანს, ივანიშვილი ვერ ეგუება ჩემს თავისუფლებას“, -აცხადებს ზვიად კუპრავა.

ზვიად კუპრავა ასევე აღნიშნავს, რომ დღეს სამხარაულის ექსპერტიზის ეროვნულ ბიუროში მიიტანს ვიდეოს, რომელიც მის „ზონდერობასთან“ დაკავშირებით გავრცელდა. კუპრავა აცხადებს, რომ ის ამ ვიდეოში არ არის.

„ბრალის წარდგენამდე 1 საათით ადრე, ანუ 11 საათზე ვატარებ ბრიფინგს სამხარაულის ეროვნულ ბიუროსთან... ჰაბიტოსკოპიური ექსპერტიზის ჩატარების მიზნით, მიმაქვს იმედის არხზე გასული ვიდეო და ექსპერტიზას დავუსვავ კითხვას, აღნიშნულ ფოტო და ვიდეოზე არსებული პირი, რომელიც თითქოსდა არის ზვიად კუპრავა, იდენტიფიცირდება თუ არა ჩემთან?! ბრიფინგზე განსაკუთრებით ვეპატიჟები ტვ-იმედს! ექსპერტიზის პასუხს მიღებისთანავე დავახვევ და ნანა ლეჟავას, ბესელიას, სოფიო კილაძეს და სხვებს, გავაცნობ სასამართლოზე!“, - წერს კუპრავა Facebook-ის საკუთარ გვერდზე.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს