„არაა საჭირო ეს ბინძური კამპანია ქალების წინააღმდეგ!“- ომბუდსმენი სააკაშვილს პასუხობს

2018-06-14 15:57:04, 867 ნახვა

საზოგადოება

საქართველოს ყოფილმა პრეზიდენტმა, მიხეილ სააკაშვილმა, შინაგან საქმეთა მინისტრის მოადგილე, ნათია მეზვრიშვილი სექსისტურად და შეურაცხმყოფელად მოიხსენია.

მან მეზვრიშვილთან დაკავშირებით სტატუსი გააზიარა, რომელსაც მიაწერა: „ესაა კარგად ცნობილი მსუბუქი ყოფაქცევის, ივანიშვილის ჯიბის “პროკურორი“.

აღნიშნულ ფაქტს, სახალხო დამცველი, ნინო ლომჯარია გამოეხაურა და აღნიშნა, რომ მეზვრიშვილი ერთ-ერთი ყველაზე პროგრესული და პრინციპული ახალგაზრდაა.

მისივე თქმით, ეს ბინძური კამპანიაა ქალების წინააღმდეგ.

„რატომ ელანდებათ ამ კაცებს სულ "კალთაში ჯდომა" და "მსუბუქი ყოფაქცევა", როცა ქალებზეა საუბარი? ნათია ერთ ერთი წესიერი, პრინციპული და პროგრესული ახალგაზრდაა, ვისაც ვიცნობ. ამ გამოძიებაში თუ რამე შეეშლება მას ან შსს-ს, პირველი ჩვენ ვიტყვით ამას! არაა საჭირო ეს ბინძური კამპანია ქალების წინააღმდეგ!“,- წერს ლომჯარია.