2018-04-05 13:53:06, 2059 ნახვა
მსოფლიო
„მოსკოვთან კარგი ურთიერთობის შენარჩუნება გვსურს“ - ავსტრია რუს დიპლომატებს არ გააძევებს
ვენას მოსკოვთან კარგი ურთიერთობის შენარჩუნება სურს, - ამის შესახებ ავსტრიის კანცლერმა სებასტიან კურცმა განაცხადა.
როგორც მან აღნიშნა, ავსტრია რუს დიპლომატებს არ გააძევებს.
"ევროკავშირის მესამედმა ქვეყნებმა რუსი დიპლომატების გაძევებაზე უარი თქვა, ჩვენც მათ რიგებში ვართ. ჩვენ ნეიტრალური ქვეყანა ვართ და სხვადასხვა საერთაშორისო ორგანიზაციებისთვის შტაბ-ბინას წარმოვადგენთ", - განაცხადა კურცმა.
შეგახსენებთ, რომ „სკრიპალის საქმესთან“ დაკავშირებით, აშშ-მ, კანადამ, ავსტრალიამ, ევროპის ქეყნებმა და მათ შორის საქართველომ, ჯამში 150-ზე მეტი რუსი დიპლომატი გააძევეს.მოგვიანებით, რუსეთის საგარეო მინისტრმა სერგეი ლავროვმა აღნიშნა, რომ ოფიციალური მოსკოვის ქმედებები სარკისებრი იქნება. ლავროვის გადაწყვეტილებით რუსეთი 23 ქვეყნის დიპლომატს გააძევებს.
![]()
ავტორი: ,
epn.ge (@expressnews.ge)
