2018-03-25 12:20:48, 2137 ნახვა
მსოფლიო
ევროკომისია Facebook-ის წინააღმდეგ მკაცრ ზომებს მიიღებს
ევროკომისია Facebook-ის წინააღმდეგ მკაცრ ზომებს მიიღებს,- ამის შესახებ იუსტიციის საკითხებში ევროკომისარმა ვერა იუროვამ განაცხადა.
მისი თქმით, სოციალური ქსელის 50 მილიონი მომხმარებლის პირადი მონაცემების ბოროტად გამოყენება მიუღებელია.
„Facebook-ისგან შემდგომ განმარტებებს მოვითხოვ, მაგალითად, იმის თაობაზე თუ რა დონით შეეხო მონაცემთა ბოროტად გამოყენება ევროპელ მომხმარებლებს. ეს სკანდალი სიგნალი უნდა გახდეს ყველა ჩვენგანისთვის. თუ როგორ ვეპყრობით პირად მონაცემებს, ამას მასშტაბური შედეგები შეიძლება ჰქონდეს“, - აღნიშნა იუროვამ.
შეგახსენებთ, რომ საქმე ეხება კომპანია Cambridge Analitica-ს გარშემო აგორებულ სკანდალს. როგორც აღმოჩნდა, ამ კომპანიამ სოციალურ ქსელ Facebook-ის მომხმარებელთა პირადი მონაცემები დონალდ ტრამპის საარჩევნო შტაბს გადასცა.
![]()
ავტორი: ,
epn.ge (@expressnews.ge)
