ევროკავშირმა რუსეთის 150 მოქალაქისა და 38 კომპანიის წინააღმდეგ სანქციები 6 თვით გაახანგრძლივა. ამის შესახებ ინფორმაცია ევროკავშირის საბჭოს ოფიციალურ ვებგვერდზეა გამოქვეყნებული.

პოლიტიკური გადაწყვეტილება, სანქციების მიმდინარე წლის 15 მარტამდე მოქმედი პაკეტის 15 სექტემბრამდე გახანგრძლივების შესახებ ევროკავშირის 28 წევრმა ქვეყანამ მიიღო. 

"სანქციები ითვალისწინებს ფიზიკური და იურიდიული პირების აქტივების გაყინვას და ასევე მოგზაურობების შეზღუდვას. სანქციები უკრაინის ტერიტორიული მთლიანობის ხელყოფის გამო გახანგრძლივდა", - წერია ინფორმაციაში. 

ცნობისთვის, 14 დეკემბერს ევროკავშირის გადაწყვეტილებით რუსეთის წინააღმდეგ დაწესებული სანქციები კიდევ 6 თვით გახანგრძლივდა. სხვა შემთხვევაში სანქციების ვადა 2018 წლის იანვრის ბოლოს იწურებოდა. ამჟამად საუბარია რუსეთისა და უკრაინის მოქალაქეების და იურიდიული პირების წინააღმდეგ დაწესებული სანქციების გახანგრძლივებაზე. რუსეთის წინააღმდეგ სანქციები აშშ-მა და ევროკავშირმა 2014 წელს ყირიმის შეერთებისა და შემდეგ, უკრაინის სამხრეთ-აღმოსავლეთით მიმდინარე კონფლიქტის გამო დააწესეს.

ავტორი: ,

სოციალური ქსელები

გენერალური პროკურორი: ექიმ ჩახუნაშვილს არჩევანი აქვს: აღიაროს დანაშაული და მოინანიოს

35 წლის ნინო მუჯირი პირველ სამშობიარო სახლში გარდაიცვალა, ოჯახი პერსონალის დასჯას ითხოვს

პესკოვი: ჯერ კიდევ გაურკვეველია, თუ რას უხელმძღვანელებს ცხინვალის „ყოფილი ლიდერი“

მარიამ მეყანწიშვილი - არცერთმა არ აღაირა ის, რაც არ ჩაუდენიათ, თქვენთვის ვიბრძოლებ გარედან