ე.წ. სამხრეთ ოსეთის დე-ფაქტო პრეზიდენტის "წარმომადგენელის" მურატ ჯიოევის განცხადებით, საქართელოს ხელისუფლება არჩილ ტატუნაშვილის საქმის პოლიტიზირებას ცდილობს, - ამის შესახებ ჯიოევმა ოკუპირებულ ცხინნვალში გამართულ ბრიფინგზე განაცხადა.

ინფორმაციას "სპუტნიკ-ოსეტია" ავრცელებს.

როგორც ჯიოევმა აღნიშნა, ქართული მხარის მხრიდან ტატუნაშვილის გარდაცვალების დაუსაბუთებელ ვერსიებს ავრცელებს.

"შევატყობინეთ ინციდენტების პრევენციისა და მათზე რეაგირების მექანიზმების მონაწილეებს, თუ რატომ იყო დაკავებული ტატუნაშვილი და რა მოუვიდა მას დაკავების შემდეგ. თუმცა ქართული ხელისუფლება და საზოგადოებრივი ორგანიზაციები სიტუაციას ძაბავენ და არჩილ ტატუნაშვილის გარდაცვალების დაუსაბუთებელ ვერსიებს აყენებენ, მიმართავენ საერთაშორისო თანამეგობრობას. ტატუნაშვილის გარდაცვალება ბუნებრივი გზით მოხდა, მაგრამ ქართული მხარე ამ საკითხის პოლიტიზირებას ცდილობს. ამიტომ, ჩვენ დამოუკიდებელი ექსპერტიზის ჩატარება გადავწყვიტეთ და მასალები სამედიცინო ექსპერტიზაზე რუსეთში გავაგზავნეთ“, - განაცხადა ჯიოევმა.

ავტორი: ,

სოციალური ქსელები

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს