თბილისის მერის, კახა კალაძის ინფორმაციით, მეტროსადგურებში სარეაბილიტაციო სამუშაოები დროებით შეჩერდა.

როგორც კალაძემ ჟურნალისტებს განუცხადა, სამუშაოები პროექტების შესწავლის შემდეგ გაგრძელდება.

„რაც შეეხება სარეაბილიტაციო სამუშაოებს, დროებით შეჩერებულია ყველა, იმიტომ რომ ყველა პროექტს უნდა ჩაუტარდეს ექსპერტიზა. გუშინვე იქნა დავალება გაცემული, რადგან კონკრეტული პროექტები, რომელიც არის წარმოდგენილი სარეაბილიტაციო სამუშაოებისთვის, უნდა იქნას შესწავლილი და მოხდეს ექსპერტიზა, რომ ყველანაირი საფრთხე იქნას თავიდან აცილებული“, - განაცხადა კახა კალაძემ.

შეგახსენებთ, 30 იანვარს, დაახლოებით 10:30 საათზე მეტროსადგურ „ვარკეთილის“ ქვედა ვესტიბულში დაკიდული ჭერის კონსტრუქცია ჩამოვარდა. ინციდენტის შედეგად 14 ადამიანი დაშავდა.

შინაგან საქმეთა სამინისტრომ მომხდარზე გამოძიება სსკ-ის 240-ე მუხლით მიმდინარეობს (უსაფრთხოების წესის დარღვევა სამთო, სამშენებლო ან სხვა სამუშაოს წარმოებისას, რამაც გამოიწვია ჯანმრთელობის ნაკლებად მძიმე ან მძიმე დაზიანება).

ავტორი: ,

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა