თბილისის მერი კახა კალაძე მეტროსადგურ „ვარკეთილში“ დაკიდული  ჭერის კონსტრუქციის ჩამონგრევას კიდევ ერთხელ ბრიფინგზე გამოეხმაურა.

მისი თქმით, სახეზეა სამუშაოების შემსრულებელი კომპანიის უპასუხისმგებლობა. კალაძე განმარტავს, რომ მეტროსადგური ახლადრეაბილიტირებული იყო და სამუშაოები შეასრულა კომპანია „ყვარელ რემმშენმა“.

მერის განცხადებით,  მისი ჯამური ღირებულება  347 852 ლარს შეადგენს. კალაძე ამბობს, რომ გამოძიებამ დასკვნა დროულად უდნა დადოს და ყველამ თავისი  დანაშაულის შესაბამისად აგოს პასუხი:

„ჩვენ გვაქვს კითხვები და ამ კითხვებს დროულად უნდა გაეცეს პასუხი. როგორც ვიცი გამოძიება უკვე დაიწყო შესაბამისმა სამსახურებმა. არ მინდა, ხმამაღალი დასკვნების გაკეთება, რომ არ შევიჭრა შესაბამისი უწყებების კომპეტენციაში, მაგრამ ძალისხმევას არ  დავიშურებთ, რომ მომხდარის მიზეზები დროულად დადგინდეს და ყველამ თავისი დანაშაულის შესაბამისად აგოს პასუხი. ვერ და არ ეპატიება არც ერთ კომპანიას, არც ერთ ადამიანს მისი არაჯეროვანი და უპასუხისმგებლო მოქმედებების შედეგად თუნდაც ერთი მოქალაქის ჯანმრთელობას, უსაფრთხოებას,  ან სიცოხლეს შეიძლება საფრთხე დაემუქროს“,-განაცხადა კალაძემ.

შეგახსენებთ, დღეს, დაახლოებით 10:30 საათზე მეტროსადგურ „ვარკეთილის“ ქვედა ვესტიბულში დაკიდული ჭერის კონსტრუქცია ჩამოვარდა. ინციდენტის შედეგად 14 ადამიანი დაშავდა, მათ შორის პოლიციის ერთი თანამშრომელია. დაშავებულები სხვადასხვა საავადმყოფოებში არიან გადაყვანილი.

შინაგან საქმეთა სამინისტრომ მომხდარზე გამოძიება სსკ-ის 240-ე მუხლით მიმდინარეობს (უსაფრთხოების წესის დარღვევა სამთო, სამშენებლო ან სხვა სამუშაოს წარმოებისას, რამაც გამოიწვია ჯანმრთელობის ნაკლებად მძიმე ან მძიმე დაზიანება).

მეტროსადგურ „ვარკეთილის“ რეაბილიტაცია 2016 წელს დაიწყო და 2017 წლის აგვისტოში დასრულდა.

ავტორი: ,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს