ამერიკის სენატმა, ხმათა უმრავლესობით, მთავრობის მუშაობის განახლებას მხარი დაუჭირა. 

სენატორებმა მოიწონეს რეზოლუცია, რომელიც სახელმწიფო დაწესებულებების დაფინანსებას 8 თებერვლამდე ახანგრძლივებს.

„დემოკრატებმა“ დოკუმენტს მხარი მას შემდეგ დაუჭირეს, რაც „რესპუბლიკელების“ ლიდერი სენატში, მიტჩ მაკკონელი მათ დაპირდა, რომ ისინი დაუბრუნდებოდნენ არალეგალი მიგრანტებისთვის გარანტიების საკითხის განხილვას.

აშშ-ის პრეზიდენტმა დონალდ ტრამპმა სენატის მიერ მიღებულ დროებით ბიუჯეტს ხელი მოაწერა, რითაც ფედერალური მთავრობის დაფინანსება 8 თებერვლამდე გაგრძელდა.

„დიდი გამარჯვებაა რესპუბლიკელებისთვის დემოკრატების მხრიდან დაფინანსების გაგრძელებაზე თანხმობა. ახლა მსურს დიდი გამარჯვება ყველასთვის, მათ შორის რესპუბლიკელებისთვის, დემოკრატებისა და არასრულწლოვანი იმიგრანტებისთვის, განსაკუთრებით კი ჩვენი საამაყო სამხედროებისა და სასაზღვრო სამსახურისთვის. შევხვდებით მოლაპარაკების მაგიდასთან!“, - დაწერა ტრამპმა „ტვიტერის“ საკუთარ გვერდზე. 

2017 წლის 1 ოქტომბრიდან ეს უკვე მეოთხე შემთხვევაა, როდესაც აშშ-ში დროებითი ბიუჯეტი მიიღეს.

20 იანვრის შემდეგ ამერიკის მთავრობის მუშაობა დაფინანსების არარსებობის გამო შეჩერებული იყო.

ავტორი: ,

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება