რუსეთის ერთ-ერთ სკოლაში, 10 მოსწავლე და მასწავლებელი დაჭრეს

2018-01-15 11:46:29, 2334 ნახვა

მსოფლიო

რუსეთში მდებარე ერთ-ერთ სკოლაში შეიარაღებული დაპირისპირება მოხდა, რის შედეგადაც 10 მოსწავლე და 1 მასწავლებელი დაიჭრა, - ამის შესახებ "რია ნოვოსტი" იუწყება.

მედია საშუალების ინფორმაციით, დაპირისპირება სკოლის 2 მოსწავლეს შორის დაიწყო, რომლებიც დანებით იყვნენ შეიარაღებული. სკოლის პედაგოგები და სხვა მოსწავლეები მათ დაწყნარებას ცდილობდნენ, რა დროსაც ისინი დაჭრეს.

მედიის ცნობით, დაპირისპირება პირადი კონფლიქტის საფუძველზე, გაკვეთილის მიმდინარეობისას მოხდა.

მოზარდები სამართალდამცველებმა უკვე დააკავეს და უახლოს მომავალში მათ დაკითხავენ.

სააგენტო წერს, რომ ორი დაჭრილი პირის - მასწავლებლის და 16 წლის მოზარდის მდგომარეობა კრიტიკულია და მათ ოპერაციები უტარდებათ.

აღსანიშნავია, რომ მანამდე გავრცელდა ინფორმაცია, თითქოს სკოლაში ორი, დანით შეიარაღებული, ნიღბიანი მამაკაცი შეიჭრა. ინციდენტი ქალაქ პერმში მდებარე სკოლაში მოხდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები