ბათუმში წინასაახალწლო ღონისძიებები გრძელდება.

ღონისძიებებს ევროპის მოედანი მასპინძლობს.

 ხვალ, 29 დეკემბერს 12:00-დან 17:00 საათამდე საბავშვო-გასართობი კონცერტი გაიმართება.

 18:00 საათზე წინასაახალწლო ღონისძიება გაიმართება ბათუმის ბულვარშიც. შესრულდება ქორეოგრაფიული და ვოკალური ნომრები, რომელშიც მონაწილეობას მიიღებენ ბათუმელი შემსრულებლები, გიორგი ბერიძე,  ირაკლი გოგიტიძე და ადგილობრივი ბენდები.

კონცერტის პარალელურად, კოლონადებთან ინდივიდუალური ავტორების მიერ შესრულებული 

 საახალწლო თემატიკის ხელნაკეთი ნივთების გამოფენა-გაყიდვა გაიმართება. დღის ბოლოს, ევროპის მოედანზე  ნიაზ დიასამიძისა და 33ა-ს კონცერტი გაიმართება.

ევროპის მოედანზე მთელი დღის განმავლობაში საბავშვო-გასართობი ღონისძიებები  30 დეკემბერსაც მოეწყობა.  

საღამოს 20:00 საათზე დაიწყება კონცერტი ბათუმელი ბენდების მონაწილეობით: ლურჯი იალქანი, Black sea, Scool Band და Geoplanet.

განსაკუთრებით მრავალფეროვანია საახალწლო პროგრამა 31 დეკემბერს.

 21:00 საათიდან ევროპის მოედანზე  საცირკო წარმოდგენა აკრობატი სანტების მონაწილეობით მოეწყობა.

 23:00 საათზე  საახალწლო გალა-კონცერტი ვაჟა ტუღუშის, სოფო ხალვაშის, ნიკო ბერიძის, გიორგი ბერიძის, ანსამბლი „ბათუმის", სულხან დევაძის და ლადო ყატაშვილის მონაწილეობით დაიწყება.

 საახალწლო პროგრამა 00:30 სთ-ზე ჯგუფი „მგზავრების" კონცერტით გაგრძელდება.

(NS) 

ავტორი: ,

სოციალური ქსელები

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება

ემანუელ მაკრონმა ვოლოდიმირ ზელენსკის მასსა და დონალდ ტრამპს შორის შეხვედრის ორგანიზება შესთავაზა