დედაქალაქის მერმა კახა კალაძემ თბილისის ვიცე-მერს ირაკლი ხმალაძესა და მერის მოადგილე მაია ბითაძეს სადისტრიბუციო კომპანიების წარმომადგენლებთან შეხვედრა და მოლაპარაკებების დაწყება დაავალა.

როგორც მან თბილისის მთავრობის დღევანდელ სხდომაზე განაცხადა, დღის განმავლობაში, სადისტრიბუციო მანქანების გადაადგილებასთან დაკავშირებით, კონკრეტული საათები უნდა დაწესდეს.

„საცობების მოწესრიგება, რა თქმა უნდა, კომპლექსური პრობლემაა და ამას მასშტაბური მიდგომები სჭირდება, თუმცა ის კომპონენტები, რაც ნარჩენების გატანას, სამარშრუტო ტაქსების სწორ მოძრაობას, სადისტრიბუციო მანქანების გადაადგილებას ეხება, უნდა დარეგულირდეს, რაც ნაწილობრივ, ხელს შეუწყობს იმ პრობლემის მოგვარებას, რაც საცობებთან დაკავშირებით გვაქვს“, - განაცხადა კახა კალაძემ.

მისივე თქმით, მსგავსი საკითხების დარეგულირებას სხვა ღონისძიებებიც მოჰყვება, რათა ქალაქში ზოგადად, საცობების პრობლემა მოგვარდეს. 

„ჩემი თხოვნაა, რომ სადისტრიბუციო კომპანიებთან შეხვედრა რაც შეიძლება სწრაფად მოხდეს, რომ ეს ყველაფერი დალაგდეს“, - აღნიშნა თბილისის მერმა.

(NS)

ავტორი: ,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა