საბერძნეთში დანაშაულებრივი დაჯგუფების შექმნისთვის 63 წლის ე.წ. კანონიერ ქურდს დავით სებისკვერაძეს 16-წლიანი პატიმრობა მიუსაჯეს, - ამის შესახებ PrimeCrime იუწყება.

მედია საშუალების ინფორმაციით, დავით სებისკვერაძესთან (იგივე დათო ქუთაისკი, ვარლამიჩი, "კალიასკა") ერთად, პასუხისგებაში კიდევ ორი ე.წ. კანონიერი ქურდი შოთა ასათიანი („შოთიკო ბოლნისკი“) და ლაშა უგრელიძე (იგივე „სტალინი“) მიეცა. მათ 17 და 16 წლით თავისუფლების აღკვეთა მიუსაჯეს. კიდევ ერთი ე.წ. კანონიერი ქურდი მიხეილ ბუძიშვილი, რომელიც 2015 წლის დეკემბერში ამავე ბრალდებით დააკავეს, სასამართლოს ვერ მოესწრო, რადგან მიმდინარე წლის აპრილში ნარკოტიკების გადაჭარბებული დოზის გამო გარდაიცვალა.

მედიის ცნობით, სებისკვერაძე საბერძნეთში ქუთაისურ დაჯგუფებას ხელმძღვანელობდა.  მის საქმეებს, სავარაუდოდ, გაიოზ ზვიადაძე („გია კუტაისკი“) გადაიბარებს. 

გამოცემა წერს, რომ საბერძნეთშ ათობით ე.წ. კანონიერი ქურდი ცხოვრობს, რომელთა უმეტესი ნაწილი თბილისიდან, ქუთაისიდან და რუსთავიდანაა. მათ შორის ყველაზე გავლენიანები ლევან შუშანაშვილი და დავით სებისკვერაძე არიან.

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს