საქართველოს მესამე პრეზიდენტ მიხეილ სააკაშვილს 5 წლამდე პატიმრობა ემუქრება, - ამის შესახებ საქმის პროკურორმა კიევში, პეჩერსკის რაიონულ სასამართლოში მიმდინარე პროცესზე განაცხადა.

პროცესი უკვე 4 საათია მიმდინარეობს.

პროკურატურა სააკაშვილისთვის 2-თვიანი შინაპატიმრობის შეფარდებას ითხოვს. ამასთან, ბრალდების მხარემ პროცესზე განაცხადა, რომ შინაპატიმრობის დროს ყოფილი პრეზიდენტი 24-საათიანი მეთვალყურეობის ქვეშ უნდა იყოს.

პროცესზე დაცვის მხარემ მოსამართლეს რამდენიმე შუამდგომლობით მიმართა, რომელთა ნაწილი სასამართლომ დააკმაყოფილა. ერთ-ერთი შუამდგომლობა ბრალდებულისთვის განკუთვნილი ადგილის ნაცვლად, სააკაშვილის ადვოკატებთან ერთად მოთავსებას გულისხმობდა. მოსამართლემ ასევე დააკმაყოფილა  შუამდგომლობა, რომელიც პროცესზე ყოველ 2 საათში ერთხელ შესვენების გამოცხადებას გულისხმობდა. რაც შეეხება დაცვის მხარის მიერ პროკურორის აცილების მოთხოვნას, აღნიშნული შუამდგომლობა მოსამართლემ არ დააკმაყოფილა.

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს